Forbes جۋرنالىنا تاعى ءۇش قازاقستاندىق قوسىلدى. فوتو: ۋستينكا.

ەكى جىلدان بەرى الەمدى كوروناۆيرۋس ىندەتى الەككە سالىپ، كوپتەگەن ەلدىڭ ەكونوميكاسىن تۇرالاتتى. ءبىر قىزىعى بۇنداي ەكونوميكالىق جاعداي الەمدەگى قالتالى بايلارعا اسەر ەتپەگەندەي. بىرەر كۇن بۇرىن Forbes جۋرنالى الەمنىڭ ەڭ باي ادامدارىنىڭ 2021 جىلعى ءتىزىمىن جاڭارتتى. باسىلىمنىڭ مالىمەتىنە قاراعاندا پاندەميا جاعداينا قاراماستان ميللياردەرلەردىڭ قارجىلىق جاعدايى جاڭا رەكوردتى بۇزعان.

Forbes باسىلىمىنىڭ زەرتتەۋىنشە، ميللاردەرلەردىڭ قارجىلىق قورى 13,1 تريلليوندى قۇراپ، پاندەميا باستالعان 2019 جىلدان بەرى جىلىنا 8 تريلليونعا وسكەن. جاھاندىق ەكونوميكالىق بەلسەندىلىكتىڭ السىرەگەنىنە قاراماستان، ميللياردەرلەر سانى 2095 ادامنان 2755 ادامعا كوبەيگەن. ميللياردەرلەر سانى كوپ ەل رەتىندە اقش 724 اداممەن ءوز ورىنىن ساقتاپ قالدى، قىتاي 698 اداممەن ەكەنشى ورىندا.

ەڭ قىزىعى، Forbes باسىلىمىنىڭ تىزىمىنە قازاقستاننان تاعى ءۇش ادام قوسىلعان. ولار «كاسپي بانك» يەلەرى سانالعان ۆياچەسلاۆ كيم جانە ميحايل لومتادزە، سونداي-اق  Freedom Holding بروكەرلىك كەڭەسىنىڭ باسشىسى تيمۋر تۋرلوۆ قاتارلىلار.

اتالمىش باسىلىم جىل سايىن ميللياردەر اراسىندا جاڭا تەحنولوگيا سالاسىنداعى بايلاردىڭ قالتاسى قالىڭداپ بارا جاتقانىن ايتادى.

“The Qazaq Times”