Osıdan eki jıl bwrın bilikke kelgen Şavkat Mirzieev Özbekstandı älemge aşıq memleketke aynaldıruğa tırısuda. Bwl turalı ol resmi mälimdemeler arqılı da bildirgen edi. Ärine, özbek basşısınıñ oylağanına say, Özbekstanda turizmdi damıtudıñ özindik potencialı da bar.  Özbekstandağı özgeris alıs şetelderdiñ de nazarın audarıp otır. Şeteldik tanımal aqparat qwraldarınıñ auzına da köbirek iline bastadı. Soñğı on jılda BBC arnası Özbekstanğa qarağanda Soltüstik Koreyada köbirek reportaj jasağan. Alayda, jaqında atalğan arnanıñ reporterleri Ben Tavenerdiñ bastauımen özbek jwrtında bolıp, sol eldiñ turizm potencialı turalı zerttep, zerdelep qayttı.

Resmi statistikalardı alğa tartar bolsa, bıltır Özbekstanğa 2,5 mln şeteldik turist kelgen. Bwl älemge endi bağıt alğan el üşin jaman körsetkiş emes. Alayda, bwl sayahatşılardıñ basım köbi TMD elderinen bolğan. Al, biıl qırküyek ayına deyin özbek eline alıs Amerika qwrlığınıñ oñtüstigi men soltüstiginen 10 mıñğa juıq sayahatşı at basın bwrıptı. Bwl san el turizmi üşin köp bolmağanımen bıltırğımen salıstırğanda 50 payızğa köp.

Özbekstan biligi şeteldik turisterdi tartu maqsatında birqatar şarualardı da tındırğan. Äsirese, BAQ ökilderiniñ rölin köbirek eskergen. Aytalıq, älem aralap sayahat jasağısı keletinderge bağdar silteytin Lonely Planet basılımı jasağan zertteu boyınşa, 2019 jılı sayahat jasap demaluğa eñ layıqtı elderdiñ tiziminde Özbekstan ekinşi bolıp jayğasıptı. Bwğan qosa Taşkent biligi turistik jağday jasau üşin jürdek poyızdardı iske qosıp, äue qatınasın keñeytude jäne 300-ge juıq jaña qonaq üyler saluda. Tipti, ondağan elde elektrondı viza alu isin jeñildetti. Bwl şaralar Özbekstandı demaluğa qolaylı, qauipsiz äri tarihi jäne ekzotikalıq el retinde tanıta tüsude.

Taşkent bolsa Özbekstan turizminiñ negizgi bağıtı. Taşkenttegi islam men keñestik arhitekturanıñ aralasuınıñ özi keybir şeteldikterge tañsıq boları şın. Odan qalsa Taşkent metrosı da keluşilerdiñ bir köruine tatidı. Joğarıda atağan BBC jurnalisteri Taşkent metrosın keskinge tüsirgen twñğış şeteldik tanımal arna ökilderi bolıp tarihta qalğanın da aytpay ketse bolmas. Taşkentte, sonday-aq, köne Qwran qoljazbasınıñ saqtaluımen qwndı bolğan Hast-Imam sarayı da bar. Al, özbek jwrtındağı işki turizmı turalı aytqanda osınday dini orındarğa bağıttalğan ziarattıq turizmniñ basım ekenin de aytqan jön.

Özbek ağayın ala şapanı jäne palauımen eske tüsetini şın. Özbek palauı turalı osığan deyin TMD köleminde aytılıp jürse, bwl tağamnıñ atauı qazir qwrlıq asıp ketken. Özbekstannıñ qay qalasına barsa da şeteldikter özbek palauınan däm tatpay ketpeydi. Onıñ üstine qazir özbek palauın älemge tanıtu üşin birqatar şaralar ükimet tarabınan arnayı qolğa alınıp otır. Sonıñ qatarında üş tonna palaudı bir qazanda dayındau sekildi jwrt nazarın audaratın ister de bar.

Taşkentten tıs, YUNESKO-nıñ qorğauına alınğan Bwhara qalası da Özbekstan turizminiñ jarıq jwldızı deuge boladı. Jalpı özbek ağayın jasağan aymaq Orta Aziyada otırıqşı mädeniettiñ izderi eñ köbirek saqtalğan el ekeni belgili. Zamanında Ämir-Temir Twrannıñ wlı dalasın tozdıra şapqanımen, özi twraq etken Samarqan men Bwhara aynalasındağı orta ğasırlıq qalalardı damıtqanı belgili.  

Özbekstannıñ şeteldik turister üşin qolaysız twstarı da joq emes, ärine. Sayahatşılardıñ bwl elde wi-fi tauıp paydalanuı jäne bank kartasın paydalanuı qiınğa soğadı. 50 mıñ birlik aqşa kupyurasın qaltağa toltırıp alıp, Özbekstandı aralau şeteldik jihangezderge wnay bermesi anıq. Al bwlarğa qosa, Islam Karimov twsında el twrğındarın şeñgeldegen qattı tegeurin bosağanımen, bütindey joğalıp ketken joq. BBC jurnalisteriniñ aytuınşa, ükimettik baqılaudıñ qatañdığı nemese qatañ bolğandığın körsetetin körinister joq emes. Körşimizdiñ bwdan da basqa jasırıp-jabar kemşin twstarı köp ekeni de ras. 

Meyli qalay bolsa da, körşi äri bauırlas özbek jwrtı bwl bağıtta auqımdı jwmıstardı qolğa aldı. Taşkent tarabınıñ Özbekstandı älemge tanıtu üşin jasağan şaraları tabıstı bolıp jatsa qızğanbaymız. Tek, dabıralı sammitter men kerekti-kereksiz jinalıssız da, halıqaralıq jarıstar men järmeñkelersiz de älemge tanıluğa bolatının äygilep kete me degen alañ köñil bar.

“The Qazaq Times”