Qazaqstanda AES salu mäselesi – tek energetikalıq nemese ekonomikalıq tañdau ğana emes, ol sayasi legitimdilik pen azamattıq qoğamnıñ tağdırın ayqındaytın kürdeli tüyinge aynaldı. AES qwrılısına qarsı şıqqanı üşin sotqa tartılğan bes azamattıñ isi halıq arasında «Beseudiñ sotı» dep ataldı. Bwl atau qazaq tarihındağı «Beseudiñ hatı» sındı tarihi parallel'di eske tüsirip, bügingi azamattıq qarsılıqtıñ mänin ayqındaydı. 

Bes belsendige tağılğan ayıptar negizinen Qılmıstıq kodekstiñ 272-babı («jappay tärtipsizdikke qatısu») jäne 405-babı («tıyım salınğan wyımnıñ qızmetine qatısu») boyınşa qaraluda.

  • 272-bap – bilik jii qoldanatın sayasi qwral, beybit akciyalardı «tärtipsizdik» retinde körsetuge alıp keledi.
  • 405-bap – kez kelgen oppoziciyalıq pikirdi «ekstremizm» ayasında qarastırıp, azamattıq belsendilikti qılmıstandıruğa bağıttalğan bap.

Bwl sot üş negizgi sayasi şındıqtı aşıp berdi:

  1. Energetikalıq täueldilik pen biliktiñ tañdauı. Qazaqstan biligi Resey qoldaytın AES jobasın «wlttıq müdde» dep körsetkisi keledi. Biraq qoğamda atom stanciyasına qarsılıq küşeyip baradı. «Beseudiñ» äreketi osı qarsılıqtıñ simvolına aynaldı.
  2. Azamattıq qoğamdı twnşıqtıru. Beybit narazılıqtıñ özi «qılmıstıq top» äreketi retinde qarastırıluda. Bwl – söz bostandığı men beybit jinalu qwqığınıñ jüyeli türde şektelui.
  3. Senim dağdarısı. AES jobasınıñ bir jaqtı talqılanuı, referendumdağı zañsızdıqtar – biliktiñ halıq pikirin tıñdaudan göri qatañ baqılaudı tañdağanın körsetti.

Qazaq qoğamındağı «Beseudiñ hatı» (1932 j.) keñestik aşarşılıq sayasatına qarsılıqtıñ simvolı bolsa, bügingi «Beseudiñ sotı» – halıqtıñ ünin bilikke jetkizuge tırısqan jaña qarsılıqtıñ nışanı. Tarih doñğalağı eski izin qayta basqanday: ädiletsizdikke qarsı şıqqandar tağı da sot zalında, temir torda otır.

Almatı qalasınıñ Almalı audandıq sotında ötip jatqan bwl iste zañğa qayşı jağday tirkeldi. Sud'ya Ernar Qasımbek The Qazaq Times agenttiginiñ jurnalisin sot zalınan üş ret negizsiz quıp şıqtı. Bwğan deyin de däl osı sud'ya Qandı Qañtar isterinde jurnalisterdi däl osılay şektegen bolatın.

Bwl – Qazaqstan Konstituciyasınıñ 29-babı men QPK-dağı jariyalılıq qağidatın tikeley bwzu. Jurnalisti sebepsiz zaldan şığaru – sot procesin qoğamnan jasıruğa jasalğan äreket retinde bağalanuı mümkin.

Prokuror bes belsendini 5 jılğa bas bostandığınan ayırudı swradı. Aldağı düysenbi küni sottaluşılar soñğı sözin aytadı.

Bwl jerde bastı swraq – sud'ya Ernar Qasımbek prokurordıñ talabın orındap, ükimdi sol qalpı şığara ma, älde ädildikti tañdauğa täuekel ete me?

«Beseudiñ sotı» – Qazaqstannıñ energetikalıq emes, eñ äueli demokratiyalıq tañdauın körsetetin sät. Bwl sot biliktiñ halıqpen qarım-qatınasınıñ naqtı ölşemine aynaladı.

The Qazaq Times