Bas prokuratura bwrınğı bas prokuror äri sıbaylas jemqorlıqqa qarsı agenttiktiñ eks-törağası Qayrat Qojamjarovqa qatıstı sotqa deyingi tergeu bastalğanın resmi habarladı. Oğan lauazımdıq ökilettigin asıra paydalanu jäne qılmıstıq jolmen alınğan qarajattı zañdastıru küdigi tağılıp otır.

Äzirge Qojamjarovtıñ wstalğanı jöninde resmi derek joq. Prokuratura tek tergeu bastalğanın atap ötti.

60 jastağı Qayrat Qojamjarov – Nazarbaev twsındağı eñ ıqpaldı küştik qwrılım ökilderiniñ biri.

Ärtürli kezeñde jemqorlıqqa qarsı agenttikti, Bas prokuraturanı basqardı.

2019 jılı Nazarbaev otstavkağa ketken küni senat deputatı boldı.

Bwğan qosa prezident keñesşisi, Qauipsizdik keñesiniñ hatşısı, Aqmola oblısınıñ äkimi qızmetterin atqardı.

2023 jıldan beri memlekettik qızmette emes.

Soñğı uaqıtta Qojamjarovqa jaqın delinetin şeneunikterge qarsı is qozğalıp jatır:

Jemqorlıqqa qarsı wlttıq byuronıñ bwrınğı jetekşisi Talğat Tatubaev eki ayğa qamaldı.

Arnayı prokurorlar qızmetiniñ basşısı bolğan Olesya Keksel' azaptau isi boyınşa küdikti dep tanıldı.

Bwl tergeu – Nazarbaev däuirindegi sayasi elitanıñ ıqpaldı ökilderine kezek kelgeniniñ ayğağı ma? Qojamjarovqa qatıstı istiñ qalay örbitini bilik pen qoğam üşin mañızdı körsetkiş bolmaq dep oylağanımızben bwl şınımen jemqorlıqpen küres pe, älde elitaralıq tartıstıñ jalğası ma? Onıñ bärin tek joğardağılar biledi...

The Qazaq Times