Foto: gazeta.uz

1 tamızda Özbekstan Konstituciyasına enetin özgeristerdi jalpıhalıqtıq talqılau ayaqtaldı. Konstituciyalıq komissiya 117 357 wsınıs tüskenin, olardıñ deni prezident merzimin wzartudı qoldağanın habarladı dep jazdı Ortalıq Aziya jañalıqtar qızmeti.

Azattıq radiosı Özbek qızmetiniñ mälimetinşe, byudjetten qarjı alatın wyımdarda isteytin jwmısşılardı Özbekstan prezidenti merzimin bes jıldan jeti jılğa deyin sozu nemese Mirziyaevti ömir boyı prezident etip qaldıru turalı wsınıs tastauğa mäjbürlegen.

Bekadat qalasındağı "Özmetkombinat" kompaniyasınıñ bir jwmısşısı wsınıs köşirmesin "Ozodlik" redakciyasına joldadı.

"Men Taşkent oblısı Bekabad qalasında twramın. Memleketimizdegi remormalarğa öte rizamın. Sol sebepti Konstituciyanıñ 90-babına qatıstı wsınıs aytqım keledi. Özbekstan prezidenti merzimi bes jıldan jeti jılğa sozılsız nemese memleket basşısın ömirlik prezident dep qaldırsın", - delingen käsiporın jwmısşıları qol qoyğan mälimdemede.

Jwmısşılardıñ aytuınşa, 23 şildede kombinatqa Özbekstan prem'er-ministri Abdulla Äripov kelgen. Sodan keyin käsiporın basşılığı aldın ala dayındalğan mälimdemege jwmısşılarğa qol qoyğıza bastağan.

- Bizdik atqaruşı direktor Dilşod Ahmetov İİM akademiyasın bitirgen, bwrın Memlekettik qauipsizdik qızmetinde istegen. Ol kombinatqa kelgen soñ qauipsizdik bölimi aşıldı. Endi söz tasuşılar mälimettiñ bärin osı bölimge jetkizip twradı. Sol sebepti kombinat jwmısşıları qorqadı, ünsiz qağazdarğa qol qoyıp beredi, - deydi "Özmetkombinat" jwmısşısı.

Osı tärizdes arızdar respublikanıñ basqa da öñirlerinen tüsip jatır.

Konstituciyalıq komissiya ata zañğa özgeris engizu jöninde referendum ötetin kündi äli belgilemedi, biraq respublikada sayasi nauqanğa dayındıq qızu jürip jatır.

Şavkat Mirziyaev 2016 jılğı jeltoqsanda kezekten tıs prezident saylauında Özbekstan prezidenti bolıp saylandı. 2021 jılğı qazanda Mirziyaev 80,12% dauıspen prezident saylauında ekinşi märte jeñiske jetti.

Özbekstan Konstituciyasınıñ jaña nwsqası referendumda maqwldanar bolsa, onda Mirziyaev 83 jasqa deyin nemese ömir boyı eldi basqaradı.