Foto: reuter.com

Qıtay, reyting boyınşa, 2016 jılğı künnen alınatın elektr quatın  öndiruşi elderdiñ köşin bastap twr. Bwl turalı reuters.com habarlaydı.

Qıtay Halıq Respublikasınıñ (QHR) Wlttıq energetika basqarmasınıñ mälimdeuinşe,   2016 jılı jergilikti elektr quatın öndiretin  stanciyalar 66,2 terravatt/sağat köleminde elektroquat (küş) öndirgen. Bwl Qıtaydağı aldıñğı jıldardağı körsetkişke qarağanda äldeqayda köp. Jalpı quatı bir jıl köleminde 33,5-ten 77,42 gigavatqa deyin ösken.

Kün energetikası degenimiz – kün energiyasın är türli amaldar arqılı paydalanu. Kün quatı – şeşuşi ekologiyalıq faktorlardıñ biri. Atap aytqanda jarıq jerde ömir süretinderdiñ barlığın derlik fotosintez  arqılı energiyamen jäne qwnarlı zattarmen qamtamasız etedi. Tiri ağzalar üşin säule tolqınınıñ wzındığı, onıñ qarqındılığı jäne säulelendirudiñ wzaqtığı qajet.

Kün energiyasın paydalanudıñ özindik artıqşılıqtarımen qatar kemşilikteri de bar. Solarğa toqtalayıq.

Artıqşılıqtarı:

1) Kün energiyası bärine birdey qoljetimdi;

2) ol sarqılmaydı;

3) qorşağan ortağa qauipsiz;

Kemşilikteri:

1) aua rayı men täuliktiñ uaqıtına täueldi;

2) Kün energiyasın alu üşin qoldanılatın qwrılğılardıñ qımbattılığı;

3) onı şağıldıratın betti periodtı türde tazalap otıru qajet;

4) elektr stanciyasınıñ janında atmosfera ısıp ketedi;

5) energiyanı akkumulyaciyalau qajet.

Soğan qaramastan Kün energetikasına degen swranıstar jıl sayın artıp keledi. Är eldiñ ğalımdarı osı qosımşa energiya türine erekşe män berip, onı damıtu joldarın qarastırumen aynalısuda. Osığan oray Kün energiyasın elektr energiyasına aynaldıratın qwrılğılardı paydalanu deñgeyi jıldan-jılğa ösip keledi.

Qazir Qıtayda birtindep käduilgi otınnan birjola alıp tastau üşin arnayı jobalar jasalıp jatqan körinedi. Joba boyınşa, 2030 jılğa qaray balamalı energiya közderi 20 payızdı qwraytın boladı.  Qazirgi uaqıttğa körsetkiş – 11 payız. Bwl jasalınıp jatqan jwmıstar bir jağınan tehnologiyalardıñ odan äri damuına ıqpal etedi. Endi bir jağınan qarajat közderi ünemdeledi.

Degenmen, Qıtay künnen alınatın elektr quatın paydalanu jağınan  jan basına şaqqanda alğaşqı ondıqqa da kirmeydi eken. Bwl degeniñiz, öndiruden köş bastap twrğanımen, onı özderi kündelikti qoldanısta paydalanbaydı degen söz. Ol jağınan Germaniya köş bastap twr (491 vatt/adam), ekinşi orında Italiya (308 vatt/adam) jäne üşinşi orında Bel'giya (287 vatt/adam).

«The Qazaq Times»