AQŞ Qıtay qatınası. AQŞ Tayvan'men resmi sauda kelissözderin bastaydı,  Bwl turalı AQŞ sauda ökiliniñ orınbasarı Sara B'yanki mälimdedi, dep jazdı BBC aqparat agenttigi

AQŞ Ökilder palatasınıñ spikeri Nensi Pelosidiñ saparınan birneşe apta ötken soñ AQŞ Tayvan'men resmi sauda kelissözderin bastaytının mälimdedi. AQŞ sauda ökilderiniñ keñesi kelissözder küzden bastalatının mälimdegen. Olar saudanı jeñildetu, cifrlıq sauda jäne sıbaylas jemqorlıqqa qarsı standarttar boyınşa kelissözder jürgizbekşi. Bwl kelissözderdiñ AQŞ pen Qıtay qatınasına salqındığın tigizetini sözsiz. Nensi Pelosidiñ Tayvanğa saparınan soñ uşığıp, Qıtay Tayvan' töñireginde eñ iri äskeri jattığuların bastağan bolatın. Amerika Qwrama Ştattarınıñ sauda ökiliniñ orınbasarı Sara B'yanki: «AQŞ pen Tayvan' arasındağı sauda 2020 jılı şamamen 106 milliard dollardı (88 milliard funt sterling) qwradı, arı qaray da jalğastıramız. «Bir Qıtay sayasatı» ayasına AQŞ aralaspaydı, Qıtaydı moyındaydı jäne resmi baylanıstarı bar, biraq Tayvan'men «mıqtı beyresmi» qarım-qatınastı saqtaydı, onıñ işinde aralğa özin qorğay alatınday qaru-jaraq satudı jalğastıradı» dep mälimdedi. Beyjiñ Tayvandı Qıtaydıñ territoriyası sanaydı. Al, Tayvan' - özin-özi basqaratın aral, ol özin materikten bölek el retinde qarastıradı. Beysenbide AQŞ-tıñ Şığıs Aziya boyınşa bas diplomatı Deniel Kritenbrink Beyjiñniñ «küşeyip kele jatqan mäjbürleu sayasatı Tayvan' bwğazınıñ tınıştığı men twraqtılığına qauip töndiretinin» ayttı.

N.Baytwrsın

The Qazaq Times