QR Prezidenti Nwrswltan Nazarbaev otandıq BAQ ökilderiniñ şeteldegi qandastar turalı qoyğan swrağına jauap berip, olardıñ  elge kelu mäselesine toqtaldı.

"Qandastarın eline şaqırıp jatqan düniede üş-aq memleket bar. Sonıñ bireui – Qazaqstan. Bastapqı kezderde biz ädeyi sol elderge barıp, jağdayların swrap, birinşi Qwrıltaydı ötkizdik. Wlı köşti bastadıq. Sodan beri bir million qandasımız keldi. Olardan ösip jatqan wrpaqtar odan da köp. Wlı köş toqtağan joq. Eşqaşan da toqtatpaymız, eşkimge qarsılığımız joq. Kelem degenderge esik aşıq", - dedi Prezident.

Sonday-aq, Nazarbaev qaltalı azamattarğa qandastardı qabıldauğa jaqın bolu kerektigin ayttı.

"Bizdiñ qazaqstandıq otbasılarğa, qaltalı azamattarğa aytatınım, qandastarımızdı qabıldauğa jaqın boluımız qajet. Qazir arnayı qor qwrıldı. Sol qorğa qol wşın beruimiz kerek. Jwmısqa ornalasuğa, baspana saluğa, az da bolsa, kömek beruimiz kerek. Kvotanı köbeytip jatırmız. Sondıqtan jurnalister de osı mäseleni aytıp otırsa, qiınşılıq bolsa, bärimiz kömektesip otırsaq, barlıq qandasımızğa jaqsılıq jasağanımız bolıp sanaladı», - dedi Prezident.

“The Qazaq Times”