(Suret pen mätin mazmwnı säykes kelmeui mümkin). Foto: CNN

14/12/2021 – QANDASTARĞA ARAŞA baspasöz jiınınıñ baspasöz bayanı

14 jeltoqsan küni, sağat 13:00,  «Qandastarğa araşa» taqırıbında baspasöz mäslihatı ötedi .

Qıtay kompartiyasınıñ Şıñjañdağı az sandı wlttarğa bağıttalğan sayasi qısımı men qudalauı qayta küşeygeni mälim. Soñğı uaqıttarda Qıtaydağı qazaqtıñ ädebieti pen mädenietindegi bir şoğır ökilderi osı maqsattı sayasi janıştaudıñ nısanasına alındı.

Qazirge deyin Qıtaydağı qazaq qalamgerleri arasınan Ğarapa Näsiollawlı, Nağız Mwhammetwlı, Qabıken Zeynwrain, Qalısbek Babanwlı, Ädenbek Qamaşwlı, Sarqıtjan Salıqwlı, Nwrbaq Biğazin qatarlı bir top azamattardıñ qamauğa alınğanı, türli negizssiz ayıptarmen sottalğanı nemese  iz-dereksiz ketkeni belgili bolıp otır. Şıñjañdağı sayasi qısımğa wşırağan bwdan özge de köptegen qazaq azamattarınıñ bar ekeni anıq.

Osığan baylanıstı Qıtayda qamauğa alınğan qalamgerlerdiñ jäne özgede azamattardıñ Qazaqstandağı tuıstarı men jaqındarı qazaq qoğamınan jäne QR qwzırlı organdarınan araşa swrap, baspasöz konferenciyasın ötkizbek. Resmi jäne qoğamdıq wyımdardıñ, äsirese adam qwqığın qorğau wyımdarı men türlki BAQ ökilderiniñ mäselege nazar audaruın ötinedi.

Spikerler:
Qoğam qayratkeri Rısbek Särsenbaywlı

Qıtayda qamauğa alınğan azamattardıñ tuıstarı men jaqındarı

Qosımşa aqparat:

Ötetin ornı: Adam qwqıqtarı men zañdılıqtı saqtau jönindegi Qazaqstan halıqaralıq byurosınıñ baspasöz ortalığı. Meken jayı: Almatı q.  8-ıqşam audanı, 4 a üy, 425 keñse.

Uaqıtı: 14,12, 2021 seysenbi,  sağ.13:00

Baylanıs: +7 707 7900097

The Qazaq Times