قر پرەزيدەنتى نۇرسۇلتان نازارباەۆ وتاندىق باق وكىلدەرىنىڭ شەتەلدەگى قانداستار تۋرالى قويعان سۇراعىنا جاۋاپ بەرىپ، ولاردىڭ  ەلگە كەلۋ ماسەلەسىنە توقتالدى.

"قانداستارىن ەلىنە شاقىرىپ جاتقان دۇنيەدە ءۇش-اق مەملەكەت بار. سونىڭ بىرەۋى – قازاقستان. باستاپقى كەزدەردە ءبىز ادەيى سول ەلدەرگە بارىپ، جاعدايلارىن سۇراپ، ءبىرىنشى قۇرىلتايدى وتكىزدىك. ۇلى كوشتى باستادىق. سودان بەرى ءبىر ميلليون قانداسىمىز كەلدى. ولاردان ءوسىپ جاتقان ۇرپاقتار ودان دا كوپ. ۇلى كوش توقتاعان جوق. ەشقاشان دا توقتاتپايمىز، ەشكىمگە قارسىلىعىمىز جوق. كەلەم دەگەندەرگە ەسىك اشىق", - دەدى پرەزيدەنت.

سونداي-اق، نازارباەۆ قالتالى ازاماتتارعا قانداستاردى قابىلداۋعا جاقىن بولۋ كەرەكتىگىن ايتتى.

ء"بىزدىڭ قازاقستاندىق وتباسىلارعا، قالتالى ازاماتتارعا ايتاتىنىم، قانداستارىمىزدى قابىلداۋعا جاقىن بولۋىمىز قاجەت. قازىر ارنايى قور قۇرىلدى. سول قورعا قول ۇشىن بەرۋىمىز كەرەك. جۇمىسقا ورنالاسۋعا، باسپانا سالۋعا، از دا بولسا، كومەك بەرۋىمىز كەرەك. كۆوتانى كوبەيتىپ جاتىرمىز. سوندىقتان جۋرناليستەر دە وسى ماسەلەنى ايتىپ وتىرسا، قيىنشىلىق بولسا، ءبارىمىز كومەكتەسىپ وتىرساق، بارلىق قانداسىمىزعا جاقسىلىق جاساعانىمىز بولىپ سانالادى»، - دەدى پرەزيدەنت.

“The Qazaq Times”