Şıñjañdağı tuıstarın bosatudı talap etip jürgen adamdar astanadağı BWW ökildiginiñ aldında twr. 23 qırküyek 2021 jıl. Foto: Azattıq radiosı / Nwrgül Tapaeva

Astana äkimşilik sotı Qıtay biligi şekarada wstağan Qazaqstan azamatı sanalatın bauırın izdep, elodadağı QHR elşiligi aldına barğan Gauhar Qwrmanalievağa 30 aylıq eseptik körsetkiş (87,5 mıñ teñge nemese 206 dollar) köleminde ayıppwl salğanı habarlandı. Azattıq radiosınıñ aqparatınşa, on şaqtı narazı policiyanıñ Qazaqstan azamattarı men qandastardıñ müddesine bolısudıñ ornına, kerisinşe söz erkindigin şekteuine kelispeytinin bildirip, talaptarın aytqan.

Qalalıq sottıñ baspasöz qızmetiniñ habarlauınşa, Şıñjañdağı tuıstarın qaytarudı talap etip, wstalğan on adamnıñ qalğanına ükim bügin şığuı mümkin.

1,3 mıñ künnen beri bauırın izdep, habar-oşarın biluge talpınğan küresinen eş nätije körmegen Gauhar Qwrmanalievağa «beybit jiın ötkizu tärtibin bwzu» babı (488-bap, 6-bölim) boyınşa ayıp tağılğan. Ol bwğan deyin aqparat qwraldarına 4 jıl bwrın Qazaqstan-Qıtay şekarasındağı «Qorğas» arnayı ekonomikalıq aymağında Qıtay bilik ökilderiniñ bauırı, Qazaqstan azamatı Asqar Azatbekti wstap äketkenin aytqan.

24 qırküyekte, jwma küni sot onlayn ötken. Jauapker oğan WhatsApp jelisi arqılı qatısqan. İsti sud'ya Qanat Imanaliev jürgizgen.

23 qırküyekte policiya astanadağı Qıtay elşiligi aldında tuıstarın elge qaytarudı talap etken on adamdı wstap, tüngi sağat 12-ge qaray bosatqan. Olarğa policiyağa şaqırtu tapsırılğan. Jwma küni narazılar kündiz policiya ğimaratı aldında da talaptarın ayttı.

Şıñjañdağı tuıstarın qaytarudı talap etip jürgender narazılıq akciyaların Almatı qalasında bastağan. Olar 220 kün boyı Almatıdağı Qıtay konsuldığına barıp, Beyjiñnen Şıñjañdağı tuıstarın Qazaqstanğa jiberudi talap etken. Narazılar üş apta konsuldıq aldında tünegen edi. Olardıñ aytuınşa, jeti aydan astam uaqıtqa sozılğan akciya barısında Qıtay konsuldığınan birde-bir adam şığıp, jauap bermegen. Olar bwğan deyin Almatıda da äkimşilik jauapqa tartılğan.

BWW esebinşe, Qıtay Şıñjañda lager'ler aşıp millionğa juıq wyğır, qazaq jäne basqa da mwsılmandardı jazıqsız qamağan. Batıs elderi Beyjiñniñ Şıñjañdağı äreketin «genocid» dep tanığan. Qıtay biligi bwl ayıptardı joqqa şığarıp keledi.

Qazaqstan biligi qısım-qudalauğa tüsken qandastardıñ jağdayı turalı tuıstarınıñ (Qazaqstan azamatı sanalatın – QT) jüzdegen arızına qaramastan mwnı «Qıtaydıñ işki şaruası» dep sanaydı. Täuelsiz sarapşılar mwnı «Estitin Ükimettiñ» (Qazaqstannıñ – QT) ekonomikalıq-investiciyalıq müddeni qandastar ömir-qwqığınan joğarı qoyğanın añğartadı dep topşılaydı.

The Qazaq Times