OYLA. Qazaq tildi ğılımi-köpşilik jurnal qayta şıqtı

Auıldağı qazaq tildi balanıñ bilimi qaladağı orıs tildi baladan 3 jılğa qalıp qoyğan. Qazaq mektebindegi 7 sınıp oquşısınıñ bilimi, orıs mektebindegi 4 sınıp oquşısınıñ bilimine jetpeydi. Bwl turalı bügin Almatıda ötken «OYLA» (OYLA) ğılımi-köpşilik jurnalınıñ aşılu räsiminde, basılımnıñ ğılımi redaktorı Almas Ordabaev mälim etti dep habarlaydı “The Qazaq Times”.

Almas Ordabaev

Eske sala ketsek, jurnaldıñ qazaq tilindegi nwsqası bıltır jabılıp qalğan. Sebep – oqırman sanı az bolğandıqtan. Biıl redakciya wjımı qazaq tilindegi basılımdı qayta qolğa alıptı. Nege? Öytkeni, qazaq mektepterindegi oquşılar üşin qazaq tilindegi ğılımi, bilimi material joqtıñ qası. Bwdan kelip, qazaq tilinde beriletin bilimniñ sapası tömen, orıs tildi mekteptiñ sapası joğarı degen tüsinik nığaya beredi.

Qayta şıqqan jurnaldıñ alğaşqı nömiri

«Bizde qazaq tildi materialdıñ sapasına senimsizdik bar. Sondıqtan, köbine orıs tildi mazmwnğa jüginemiz. Twrmıstağı qarapayım mısaldı alıp qarayıq, biz ädette bankomattan aqşa şığarar kezde orıs tilin tañdaymız, sebebi soğan üyrenip qalğanbız. Biraq, jaña ösip kele jatqan wrpaq bwndayğa ädettenbeui kerek, olarğa qazaq tilindegi sapalı ğılımi materialdardı wsınuımız kerek. Biz osığan wmtılıp otırmız. Qalıptasıp otırğan osı ürdispen biz kürespesek, biz jönge salmasaq, kim qolğa aladı? Barlığımız atsalısıp, qazaq tilinde oqitın balalarğa bağıt beruge jäne kömektesuge tiistimiz. Osı jwmıstı jalğastıratın bolsaq, az uaqıttıñ işinde qazaq tilinde oqitın balalar özderine kerekti bilimdi saraptap, ayaqtarınan nıq twradı deden senimdemiz» deydi A.Ordabaev. Ayta keteyik, Almas himiya päniniñ mamanı, olimpiadalarğa oquşılar dayındap, qazaq balalarınıñ ğılım biiginen körinuine eñbek etip jürgen täjirbieli wstaz. «Üzdik pedagog 2016» respublikalıq konkursınıñ jeñimpazı.

Ğamzat Biyarov

Almastıñ oyın jurnaldıñ bas redaktorı Ğamzat Biyarov tolıqtadı. «Biz ğılım men tehnologiyanıñ tilin üyrenip, onı balalarğa jetkizgimiz keledi. Öytkeni, öskeleñ wrpaq oqu men jasampazdıqtan qorıqpauı qajet. Biz qazaq mektepterinde oqitın balalar üşin memlekettik tildegi aqparat pen däris aludıñ öte mañızdı ekenin tüsinemiz. Sondıqtan, Qazaqstanda şığatın birden-bir ğılımi-köpşilik jurnalğa qoldau körsetkeni üşin seriktesterimizge rizaşılığımızdı bildiremiz. OYLA jurnalı mektep oquşılarınıñ köñilderinen şığadı degen oydamız» dedi jurnaldıñ bas redaktor. Onıñ aytuınşa, alğaşqı nömir 2500 danamen şığıp, Qazaqstandağı 200 mektepke tegin jetkizilgen. Jurnaldıñ oqırmanı bolatın mektepter qatarı äli arta tüsedi deydi.

Oqırman äri qızığa, äri sın közben qarauda

Endi basılım turalı qısqaşa tanıstıra keteyik. OYLA - Qazaqstandağı orta jäne joğarğı sınıp oquşıları men bilimge qwştar eresekterge arnalğan alğaşqı ğılımi-köpşilik  jurnal. Jurnal jaratılıstanu ğılımdarı – matematika, fizika, himiya, biologiya, astrofizika bağıtındağı maqalalardan, gumanitarlıq ğılımdar – tarih, ritorika, til ğılımdarı bağıtındağı jäne jalpı tanımdıq maqalalalardan, qızıqtı oqiğalar, teoremalar men esepterdi anıqtau, önertabıstar, ğalımdardıñ aşqan jañalıqtarı turalı mazmwndardan twradı. Basılım balalarğa kürdeli wğımdardı jeñil tilmen tüsindiruge bağıttalğan.

Asem Japişeva

Qazirşe juranalda qazaq tildi avtorlar jazğan tüp nwsqa materialdar az. «Sebebi, qazaq tildi jurnalister arasında, ğılmi taqırıpqa mamandanğan bilikti äriptester joq» deydi jurnaldıñ redakciyalıq direktorı Asem Japişeva. Sonıqtan, basılımnıñ birinşi sanındağı maqalalar audarmağa negizdelgen. «Eger, sauattı, ğılımi taqırıpta jazatın qazaq tildi jurnalister bolsa, birlese jwmıs isteuge dayınbız. Äzirge, avtorlarımızdıñ birazı şetelde twratındar. Ğılım doktorları, kandidattar» dedi A. Japişeva.

Talapqali İzmwhambetov

Basqosuda medicina ardageri Talapqali İzmwhambetov jaqsı oylarımen bölisti. Jurnaldı körip riza bolğanın, osınday ğılımi basılımdardıñ jas wrpaqqa bereri köp ekenin ayttı. Kezdesuge qatısqan «Qazaq geografiya qoğamınıñ» ökili Qaysar Twrsınqoja da, öz wyımdarınıñ jaratılıstanu ğılımdarı bağıtında qoldau körsetip kele jatqandarın ayttı. Mısalı, Dinmwhamed Maylıbay attı jasöspirimniñ NASA-nıñ jazğı mektebinde oquına qoldau körsetken jäne t.b. «Bwl sonday şaranıñ logikalıq jalğası. Qazaq geografiya qoğamı» demografiyanı zertteumen de aynalısadı. Soğan süyensek, elimizdegi 1-6 jas aralığındağı balalardıñ 90-95 payızı qazaqşa tili şığadı. Qazaq tili bay, körkem til, onıñ ayasın keñitudi maqsat etip otırğan azamattardı bärimiz qoldauımız kerek» dedi ol.

Qaysar Twrsınqoja

Jurnaldı tanıstıru jiınında äleumettik mäsele de qağıs qalmadı. Qazaq mektepteriniñ bilim beru äleueti, qazaq tildi ğılmi ädebietterdiñ azdığı talqığa tüsti. Redakciya wjımına jurnalister swraq qoydı.

Erdos Tölegenov, ortada.

Basılım qazirge memleket tarapınan qarjılıq qoldau körip otırğan joq.  Bwnı jurnadıñ qwrıltayşısı «TEHNOBATIR» JŞS direktorı Erdos Tölegenov mälim etti. Jurnaldıñ memlekettik tilde şığuı Qazaq geografiyalıq koğamı men Chevron, ForteBank jäne «Tengizşevroyl» kompaniyalarınıñ qoldauında jüzege asqan. Aldağı uaqıtta jurnaldıñ Marina Şaripova bas redaktorlıq etetin saytı da iske qosıladı.

Marina Şaripova, solda.

OYLA ğılımi-köpşilik jurnalınıñ redakciya wjımı qazaq tildi oquşılardıñ bilim sapasın, dünietanımın keñeytuge bağıttalğan jwmısqa barımızdı salamız, oğan qoğamnıñ qoldauı da qajet deydi.

Qatısuşılar söz aluda.

Basqosuğa jinalğan köpşilik.

Jurnalister

Qonaqtar

“The Qazaq Times”