Foto: Kapital.kz

Qazaqstan Respublikası Energetika ministrligi keybir tanımal aqparattıq agenttikterdegi Qazaqstan OPEK kelisiminen bas tartuı mümkin ekeni turalı habarlamanı joqqa şığardı. Bwl turalı ministrliktiñ baspasöz qızmeti habarladı.

Vedomstvo soñğı teris jariyalanımdarğa baylanıstı Qazaqstan OPEK jäne OPEK emes elder arasındağı mwnay öndiru deñgeyin qısqartu turalı kelisim boyınşa bwğan deyin qabıldanğan mindettemelerdiñ orındala beretinin rastap otır.

"Biz 2018 jılğı säuirge deyin qabıldağan mindettemelerdi odan äri de wstanatın bolamız. Äriptesterden mindettemeler deñgeyin wzartu nemese özgertu turalı wsınıstar kelip tüsken joq. Sondıqtan bwl mäsele qarastırılmaydı.Sol sebepti QR Energetika ministrliginiñ aqparatın birjaqtı qabıldap, öz erkinşe tüsindirmeudi swraymız", - delingen baspasöz habarlamasında.

Ayta keteyik, keşe TASS aqparat agenttigi QR energetika ministri Qanat Bozımbaevtıñ "Qazaqstan mwnay kölemin qısqartu turalı OPEK kelisiminen birtindep bas tartuı mümkin" dep mälimdegeni turalı jazğan. Ministr "Qazaqstan birneşe ayda nemese mwnay bağasınıñ ösuine baylanıstı OPEK kelisiminen şığuı mümkin be?" degen swraqqa "Birinşi nwsqa", -  dep jauap bergen.

Energetika ministri bwğan deyin de Qazaqstan mwnay kölemin qısqartuğa qatıstı OPEK-pen bolğan kelisim merzimin odan äri wzartuğa dayın emes dep mälimdedi. Al keyin OPEK-tiñ 25 mamırındağı şeşiminen soñ ministrlik OPEK pen oğan müşe emes elderdiñ mwnay kölemin qısqartu merzimin wzartu turalı şeşimin qoldaytının, bwl bağanıñ qalıptı deñgeyin saqtau üşin qajet ekenin habarlağan.

Qarap twrsañız Energetika ministri mwnay öndiruşi alpauıt elderdiñ mwnay kölemine qatıstı şeşimin ne qoldaytının ne qoldamaytının äli şeşe almay jürgen siyaqtı. Sebebi bayqap otırğanımızday ministrlik ökilderi birese "Qazaqstan OPEK kelisimine dayın emes" dep, birese "OPEK şeşimin qoldaydı" dep äli sözinen şatasıp jür.

 “The Qazaq Times”