فوتو: Kapital.kz

قازاقستان رەسپۋبليكاسى ەنەرگەتيكا مينيسترلىگى كەيبىر تانىمال اقپاراتتىق اگەنتتىكتەردەگى قازاقستان وپەك كەلىسىمىنەن باس تارتۋى مۇمكىن ەكەنى تۋرالى حابارلامانى جوققا شىعاردى. بۇل تۋرالى مينيسترلىكتىڭ ءباسپاسوز قىزمەتى حابارلادى.

ۆەدومستۆو سوڭعى تەرىس جاريالانىمدارعا بايلانىستى قازاقستان وپەك جانە وپەك ەمەس ەلدەر اراسىنداعى مۇناي ءوندىرۋ دەڭگەيىن قىسقارتۋ تۋرالى كەلىسىم بويىنشا بۇعان دەيىن قابىلدانعان مىندەتتەمەلەردىڭ ورىندالا بەرەتىنىن راستاپ وتىر.

ء"بىز 2018 جىلعى ساۋىرگە دەيىن قابىلداعان مىندەتتەمەلەردى ودان ءارى دە ۇستاناتىن بولامىز. ارىپتەستەردەن مىندەتتەمەلەر دەڭگەيىن ۇزارتۋ نەمەسە وزگەرتۋ تۋرالى ۇسىنىستار كەلىپ تۇسكەن جوق. سوندىقتان بۇل ماسەلە قاراستىرىلمايدى.سول سەبەپتى قر ەنەرگەتيكا مينيسترلىگىنىڭ اقپاراتىن بىرجاقتى قابىلداپ، ءوز ەركىنشە تۇسىندىرمەۋدى سۇرايمىز", - دەلىنگەن ءباسپاسوز حابارلاماسىندا.

ايتا كەتەيىك، كەشە تاسس اقپارات اگەنتتىگى قر ەنەرگەتيكا ءمينيسترى قانات بوزىمباەۆتىڭ "قازاقستان مۇناي كولەمىن قىسقارتۋ تۋرالى وپەك كەلىسىمىنەن بىرتىندەپ باس تارتۋى مۇمكىن" دەپ مالىمدەگەنى تۋرالى جازعان. مينيستر "قازاقستان بىرنەشە ايدا نەمەسە مۇناي باعاسىنىڭ وسۋىنە بايلانىستى وپەك كەلىسىمىنەن شىعۋى مۇمكىن بە؟" دەگەن سۇراققا ء"بىرىنشى نۇسقا", -  دەپ جاۋاپ بەرگەن.

ەنەرگەتيكا ءمينيسترى بۇعان دەيىن دە قازاقستان مۇناي كولەمىن قىسقارتۋعا قاتىستى وپەك-پەن بولعان كەلىسىم مەرزىمىن ودان ءارى ۇزارتۋعا دايىن ەمەس دەپ مالىمدەدى. ال كەيىن وپەك-ءتىڭ 25 مامىرىنداعى شەشىمىنەن سوڭ مينيسترلىك وپەك پەن وعان مۇشە ەمەس ەلدەردىڭ مۇناي كولەمىن قىسقارتۋ مەرزىمىن ۇزارتۋ تۋرالى شەشىمىن قولدايتىنىن، بۇل باعانىڭ قالىپتى دەڭگەيىن ساقتاۋ ءۇشىن قاجەت ەكەنىن حابارلاعان.

قاراپ تۇرساڭىز ەنەرگەتيكا ءمينيسترى مۇناي ءوندىرۋشى الپاۋىت ەلدەردىڭ مۇناي كولەمىنە قاتىستى شەشىمىن نە قولدايتىنىن نە قولدامايتىنىن ءالى شەشە الماي جۇرگەن سياقتى. سەبەبى بايقاپ وتىرعانىمىزداي مينيسترلىك وكىلدەرى بىرەسە "قازاقستان وپەك كەلىسىمىنە دايىن ەمەس" دەپ، بىرەسە "وپەك شەشىمىن قولدايدى" دەپ ءالى سوزىنەن شاتاسىپ ءجۇر.

 “The Qazaq Times”