Körneki suret. Fotokollaj: pixabay.com

Mwnay bağası eleuli körsetkişke ösip, 3 jıl bwrınğı deñgeyge köterildi.

London qwrlıqaralıq birjasınıñ (ICE) sauda derekqorına qarağanda, bügingi tañda Brent markalı mwnay bağası 2018 jıldıñ 10 qazanınan beri alğaş ret barreline 83 dollardan astı.

Seysenbi küngi satılım barısında eñ joğarğı ösim Brent barreliniñ qwnı 2,3%-ğa deyin artıp, 83,13 dollarğa jetken. Alayda astana uaqıtımen sağat 22.00-ge qaray 82,76 dollarğa deyin säl tömendegen.

OPEK+ monitoring komitetine kiretin ministrlerdiñ mwnay öndirudi täuligine 400 mıñ barrel'ge arttıru jönindegi josparın arı qaray jalğastıru jönindegi şeşiminen keyin mwnay bağası öse bastadı.

Osı aydıñ basındağı Energetika ministrliginiñ resmi mälimetinşe, OPEK+ ayasında Qazaqstan belgilengen kvota negizinde qazan ayında täuligine 1,524 mln, qaraşada künine 1,540 mln barrel' öndire aladı.

The Qazaq Times