Foto: kz.otyrar.kz

Almatı oblısınıñ bwrınğı äkimi Amandıq Batalov ketip ornına energetika ministri Qanat Bozımbaev kelip jatqan küni osı obsqa qarastı Nwra auılında bir milliard teñgeden astam qarjığa tartılğan qwbır jarılıp 200-den asa tütin susız qalğan. Twrğındarmen  “KTK” arnası kezdesti.

Memleketten 1milliard 40 millionğa juıq qarajat bölingen su qwbır jüyesi üş jıl bwrın bastalğan. Bıltır ayaqtaluı kerek-twğın. Alayda jwmıs ayaqtalmay aşıq- şaşıq jatqan su qwbırlarınıñ jarılu saldarınan endi 220 üy susız qalğan.

Talğar audanına qaraytın Nwra auılınıñ twrğındarı mwnıñ sebebin sapasız qwrılıstan köredi. Aytularınşa, jartı jıl işinde 10 şaqtı ret jarılıp, är kez susız otırğan.

“Bergen qısımnan şıdımaydı da, är jerden bir jarıladı. Demek bwl tehnologiyalıq jwmıstıñ dwrıs orındalmağanı. Jarılıp jatqanı bar. Jarıq mäselesi de bar. Osınday äleumettik mäsele köterilip jatqanda nege äkim qadağalamaydı. Endi milliard 39 million aqşa bölingennen keyin. Ol talapqa say, qajettiligne jwmsalu kerek qoy”, – deydi twrğındardıñ biri Bolat Qasımov. 

Aygerim Nwrdanova su tarşılığın jartı jıl körip keledi. Päter jaldap twrğan tört balası bar jesir ananıñ su tauqımetin tartqanı jığılğanğa jwdırıq bolğan.

“Bizde ılği sudı öşirip tastaydı. Sudı bwrınğı Keñester odağındağıday arbamen alıp kelemi. Sudıñ sapası öte tömen. Qaq degen qabat bolıp jinaladı. Şäugimderimizdi ılği qıramız da jatamız. Bir şäugim sudı toltıruğa bir sağat uaqıtım ketedi. Kir juğışımız küyip ketti. Balalarım jii auıradı”, – deydi ol.

Al auıl äkimi tiisti mekemeler men merdigerge hat jazıp, bir aydıñ işinde mäseleni tolıq şeşpekşi. Eger qwbır qayta jarılıp twrğındar susız qalsa, merdiger kompaniyanı sotqa beremiz dep otır.

“Audan äkimine hat jazğanbız. «Asataydıñ» basşılarına jazdıq. Nege jasamaysıñdar, merzimi de ötip ketti dedik. 1 milliard 59 millionğa alıp otır. Endi qwbırlar jaña salınğan ğoy.  Apat bolğan jağdayda merdigerlerdi şaqırıp sotqa jüginemiz. Sotqa bere salamız. Jauap bersin. Kelisimşart bar ğoy”, – deydi Nwra auılı aymağınıñ äkimi Seyitqwl Döñbaev.

Mäsele şeşilmese, merdiger men jergilikti bilikti twrğındardıñ özi sotqa beruge dayın otır.

The Qazaq Times