Adamnıñ adam bolıp qalıptasıp, ömirden öz ornın tabuına  ata-ananıñ tärbiesi birden-bir sebepker ğoy. Mwnı qazaq «Wyada ne körseñ, wşqanda sonı ilersiñ» dep bir auız sözben beynelegen. Äke men şeşeniñ qas-qabağınan balanıñ bolaşağı bastaladı. Üydegi bereke men birlik, bir-birine degen qwrmet, erteñgi qwrılar şañıraqtıñ şayqalmauınıñ kepili. Mwnı biz Wlttıq wlannıñ 5571 äskeri böliminiñ 3 batal'onı avtomobil'dik vzvodınıñ komandiri Rustam Mağjanwlımen äñgimeleskende bayqadıq.

Bir qarağanda boyı kişkene ğana bolıp köringenimen, swhbat qwrğan uaqıtta keyipkerimizdiñ nağız jürekti azamat ekenin añğardıq. Ol turalı säl keyinirek, eñ aldımen ömirinen sır şertsek...

Ağa leytenant Rustam Serdalinov 1987 jılı Resey Federaciyasınıñ Qorğan oblısı Çastozer audanı Lihonova auılında ömirge keledi. Mektep tabaldırığın attağanşa osı auıldıñ balalarımen oynap ösken oyın balası, äke-şeşesiniñ tuğan Otanımızğa köşemiz degenin ol kezde jete tüsine qoymaptı. Bwl Qazaqstannıñ täuelsizdik alıp, etek-jeñin endi jinap jatqan 1992 jıl bolatın.

«Äkem, «Otansız adam, ormansız bwlbwl!», meniñ qanım qazaq, janım da qazaq. Sol üşin kindik qanım tamğan Qorğan oblısın tastap, qazaq eline, ata-babam qasıq qanı qalğanşa qorğağan Otanıma oraldım» dep jii aytıp otıradı deydi keyipkerimiz.

Saptas jauınegrlermen birge.

Atamekenine köş tüzegen Rustamnıñ otbası Soltüstik Qazaqstan oblısı Tayınşa audanı Dragomirovka auılına köşip keledi. Kele sala äke-şeşesi tört birdey wldı jetkizudiñ qamımen jantalasıp jwmıs jasap, qazaqı tälim-tärbie beruge tırısadı. Aytqan söz ben atılğan oq nısanada alıs ketpey, tört birdey wldarı qazaqtıñ nar twlğalı azamattarı bolıp er jetedi.

Mektepti bitirisimen 2004 jılı Petropavl qalasındağı Manaş Qozıbaev atındağı Soltüstik Qazaqstan oblıstıq pedogogikalıq universitetine tüsip, atalğan oqu ornın 2008 jılı tämamdağan Rustam, balalıq armanı jetelep, äskerge baruğa wmtıladı. Sol armanı orındalıp,   äskeri borışın öteuge Almatı qalasındağı 5571 äskeri bölimine sarbaz bop keledi. Sarbaz kezinen sportqa degen qwştarlığımen oficerlerdiñ közderine tüsip, merzimdik äskeri qızmeti bitken soñ, kelisimşart boyınşa osı äskeri böliminde qızmetin jalğastıradı.

Jwmıs üstelinde.

«Men üydiñ kenjesimin. Menen ülken eki ağam, jäne bir minutqa ülken egizim bar. Sodan bolar üy şaruasına köbine men qalatınmın. Üyde qız bala bolmağan soñ, üy jinap ıdıs juu, tipti siırğa deyin sauıp anamızğa qolğabıs bolatınbız.   Bala kezimde äkemniñ äskerdegi suretterin ağalarımmen birge körip, biz de äkemiz sekildi äskerge baramız, soldat bolamız dep armandaytınbız. Äkem Mağjan Belorussiyanıñ Sluck qalasında Raketalıq äskerler qatarında äskeri borışın ötegen. Zapastağı kapitan. Bügingi tañda sol balalıq şaqtağı armanımız şükir, orındalıp jatır. Qazirgi uaqıtta ülken ağam Qorğanbek mayor, Qazaqstan Respublikasınıñ Bas prokuraturasında qızmet jasaydı, ekinşi ağam mayor Erbol Antay Wlttıq wlannnıñ «Oñtüstik» öñirlik qolbasşılığına qarastı 5514 äskeri böliminiñ komandiri. Meni Wlttıq wlan sapına alıp kelgen de osı ağam Erbol edi. Sol kisiniñ arqasında qanatım qataydı, Otanğa degen süyispenşiligim arttı. «Ağası bardıñ jağası bar» degen söz bar ğoy, sol aytqanday ağam mağan qamqor bola bildi» - dep Wlttıq wlan qatarına qalay kelgendigin aytıp ötti.

Jastayınan erkin kürespen şwğıldanğan Rustam Qazaqstan Respublikasınıñ 2-şi orın jüldegeri. Osı sportqa degen süyispenşiligin äskerde de jalğastırıp keledi. Wlttıq wlannıñ sambodan ötken işki birinşiliginiñ 3-şi orındı jüldegeri bolsa, «Oñtüstik» öñirlik  qolbasşılığınıñ 4 dürkin çempionı.

Marapattau säti.

Ülkenge qwrmet, kişige izet körsetetin Rustamdı ol qızmet etetin äskeri bölim jeke qwramınıñ bäri jaqsı sıylap, qwrmet twtadı. Jwmısına tiyanaqtı jigittiñ är sarbaz sırlası, tipti qwrdasınday. Eşkimniñ ala jibin attamay, Otan aldındağı qızmetin abıroylı atqarıp jürgen Rustam Wlttıq wlannıñ wlanı, qazaq eliniñ qıranı dep auız toltırıp maqtanuğa äbden layıqtı azamat, jürekti sardar. Jürekti deytinimiz, ol 2015 jıldıñ ayağında qoğamda äleumettik rezonans tudırğan Almatı oblısınıñ İle audanı Jetigen kentinde joğalıp ketken 20 jasar qız Ayzada Avlatarovanı tabuğa ülken septigin tigizdi.  Rustam jetekşilik jasağan äskeri jasaq qwramı Qapşağay qalası sayajaylarınıñ mañınan jas qızdı tauıp, aman-esen tuğandarına qaytaradı, al bwzaqı qılmıskerdi sol arada qwrıqtaydı. Osı batıl is-äreketteriniñ arqasında onıñ esimi elge tanıladı. Ol turalı respublikalıq, oblıstıq BAQ qwraldarı jarısa jazıp jattı. Rustamnıñ qırağı qızmeti eleusiz qalmadı, batıldığı üşin Wlttıq wlannıñ «Oñtüstik» öñirlik qolbasşılığınıñ jeke qwramı oğan qwrmet körsetti, sonımen qatar Qazaqstan Respublikasınıñ İşki ister ministri Qalmwhanbet Qasımovtıñ bwyrığımen oğan kezekten tıs «ağa leytenant» äskeri şeni berildi.

«Äke körgen oq jonar» degen wlağattı söz bar ğoy, sol sekildi Rustam da, onıñ ağaları da äkesiniñ äskeri jolın jalğastırıp keledi, yağni bwl otbasın äskeri dinastiya dep te atauğa boladı. Ol turalı Rustam:

«Äke balağa ärqaşan wstaz, bağdarşam ğoy. Äkemniñ sol bir äskerdegi sureti bärimizdi äskeri adam boluğa, otandı süyuge mwrındıq boldı. Sol äskeri suret meniñ bolaşağımdı ayqındap bergendey sezinem bwl küni. Endigi äkemniñ sara jolın, ağalarımnıñ izin jalğap qızmette jetistikterge jetu - bügingi alğa qoyğan maqsatım. Men de äkem sekildi wrpaqqa tärbie bergim keledi».

"Äkem sekildi el qorğanı bolamın".

Söz soñında öziniñ Wlttıq wlan qatarında qızmet etetinin maqtan twtatın Rustam: «Men üşin bastı mindet – Otanıma qaltqısız adal qızmet etu, özim osı Wlttıq wlan qatarında sarbaz, odan kelisimşart boyınşa äskeri qızmetşi bola jürip oficerlik lauazımğa deyin köterildim, bwl mağan komandirler men bastıqtardıñ ülken senim artuı dep bilemin. Elimniñ qauipsizdigin qamtamasız etuge tittey de bolsa üles qosu  men üşin ülken märtebe, bwdan keyin de qızmettik-jauıngerlik mindetterimdi abıroymen atqaruğa, el senimin aqtauğa söz beremin!» – dep, ağınan jarıldı.

Bügingi künde Rustam süyip qosılğan jarı Äliyamen bir şañıraqta tatu-tätti ömir sürude, Ajar esimdi qızdarın tärbieleude.

leytenant Aydos Bayşağırov,  Wlttıq wlannıñ «Oñtüstik» öñirlik qolbasşılığı.

qazaqtimes.com