Qazaqstan Respublikası Wlttıq wlannıñ 5573 äskeri böliminde 800 jas jauınger Otanğa adal qızmet etuge saltanattı türde ant berdi. Elimizdiñ barlıq oblısınan jasaqtalğan jas buın eki ayğa juıq uaqıtta arnayı dayındıqtan ötti, dep habarladı  Wlttıq wlan baspasöz qızmeti.

Şarağa äskerdiñ ardagerleri, äskeri vedomstvolar men atqaruşı bilik organdarınıñ ökilderi, sonımen qatar jas jauıngerlerdiñ ata-anaları men jaqındarı qatıstı.

Sapqa qosılğan jas sarbazdar endi özge äskeri qızmetşilermen birge  Otanımızdıñ bas qalası – Astananıñ qoğamdıq tärtibi men qauipsizdigin qamtamasız etu mindetterin orındaydı.

"Jauıngerlerge qalanıñ 20 jıldıq mereytoyına arnalğan barlıq mañızdı is-şaralar kezinde qauipsizdikti qadağalau mindeti jükteledi. Biz olarğa osı mindetterdi adal da abıroymen atqaradı dep ümit artamız", - dedi qwttıqtau sözinde qwrama komandiri polkovnik S. Şekarbekov.

Jas sarbazdarğa saltanattı sätte qoldau körsetu üşin  bölim aumağına 2500-den astam ata-ana men tuğan-tuıstarı keldi. Olar öz perzentteriniñ saltanattı şerumen ötken, Otan qorğauşısı atanğan sätine kuä boldı.

Foto: Wlttıq wlan baspasöz qızmeti

“The Qazaq Times”