Qazan ayınıñ 12-13 künderi Almatı oblısı Jambıl audanınıñ ortalığı Wzınağaş auılında Qazaqstan Respublikası Wlttıq wlanınıñ 25 jıldıq merekesine oraylastırılıp regbiden respublikalıq jarıs ötti.

Jarısqa 6 komanda jäne barlığı jüzge juıq sportşı qatıstı. Olar – Wlttıq wlannıñ Almatı qalasındağı «Oñtüstik», Oraldağı «Batıs», Qarağandıdağı «Ortalıq», Öskemendegi «Şığıs» öñirlik qolbasşılıqtarınıñ, Petropavldağı Äskeri institutınıñ jäne Astanadağı 5573 äskeri böliminiñ qwrama komandaları qatıstı.

Regbi oyını jaylı qısqa toqtala etsek, 2015 jıldan beri «Regbi» oyını Olimpiada oyındarınıñ qwramına kirip, külli älemde ülken bedelge ie bolıp twr.

"2015 jılı Wlttıq wlan Bas qolbasşısı general-leytenant Ruslan Fatihwlı Jaqsılıqovtıñ bwyrığımen regbi Wlttıq wlanda qoldanbalı sport türiniñ qatarına endi. Ötken jılı twñğış ret regbiden Wlttıq wlannıñ birinşiligi bolıp ötti", - dep atap ötti  Wlttıq wlan Bas qolbasşısınıñ tärbie jäne äleumettik-qwqıqtıq jwmıstar jönindegi orınbasarı general-mayor Mwhametqali Satov.

Jarıstıñ qorıtındısı boyınşa «Oñtüstik» öñirlik qolbasşılığı komandası bas jüldeni ielenip, Wlttıq wlan Bas qolbasşınınıñ jeñimpaz kubogın ielendi. Al ekinşi orın «Batıs» öñirlik qolbasşılığına bwyırsa, qola jüldeni elordalıq 5573 äskeri böliminiñ regbi komandası ielendi.

“The Qazaq Times”