J-10C جويعىش ۇشاعى. فوتو: Defence World

ءۇندىستان اقپارات قۇرالدارىنىڭ مالىمەتىنە قاراعاندا، پاكىستان قىتايدىڭ J-10 جويعىش ۇشاقتارىن ساتىپ الۋدا. بىراق، بۇل حاباردى رەسمي بەيجىڭ مەن يسلاماباد راستاي قويمادى. ەگەر مالىمەت راستالعان بولسا، وندا قىتايلىق يستەربيتەلدەردىڭ العاش رەت ەكسپورتقا شىققانىن بىلدىرەدى.

ءۇندىنىڭ Defence World باسىلىمى تاراتقان مالىمەتكە قاراعاندا پاكىستان قىتايدىڭ J-10س جويعىش ۇشاقتارىنان 36 داناسىن ساتىپ العان. اتالعان ۇندىلىك باسىلىم حابارىندا «پاكىستان ستراتەگيالىق جانە حالىقارالىق قاتىناستار ينستيتۋتىنا» (HSIA) سىلتەمە جاساعان.

قىتايدىڭ فۋجيان اسكەري ءوندىرىسىنىڭ ءوىنىمى سانالاتىن J-10س جويعىش ۇشاقتارى كوپتەگەن اسپەكتىلەر بويىنشا الەمدەگى وزىق سوعىس ۇشاقتارىنىڭ بەستىگىنە كىرەدى. كەي ەلدەردىڭ اسكەري ساراپشىلارى ونى ءۇشىنشى ۇرپاق يستەربيتەلدەردىڭ قاتارىنا جاتقىزادى.  J-10C ۇشاقتارى جەتىلدىرىلگەن بەلسەندى فازالىق ماسسيۆتىك اۋە-راديولوكاتسيالىق جۇيەسىمەن جابدىقتالعان، كوبىنە 200 شاقىرىمدىق PL-15 زىمىراندارى ورناتىلادى.

فۋجيان اسكەري ءوندىرىسى J-10س ۇشاقتارىنىڭ جەتىلدىرىگەن J-20 جاڭا ۇرپاعىن دا وندىرگەن. دەگەنمەن، بۇل ءالى دە سىناق كەزەڭىن تولىق اياقتاپ ۇلگىرمەدى. سونىڭ وزىندە قىتاي اۋە كۇشتەر كەيبىر اسكەري وپەراتسيالارعا قولدانىپ ءجۇر.

قىتاي مەن پاكىستان وداقتاس ەلدەر رەتىندە اتالادى. قىتايدىڭ قارۋ-جاراق ەكسپورتىندا پاكىستان ماڭىزدى ورىندى ۇستايدى. بۇعان دەيىن دە قىتايلىق يستەربيتەلدەر پاكىستانعا ەكسپورتتالعان. ەكى ەل اراسىندا بىرنەشە رەت بىرلەسكەن اۋە جاتتىعۋلارى وتكىزىلگەن، بۇل جاتتىعۋلارعا قىتاي تارابى كوبىنە كوپ J-10C ۇشاقتارىن قاتىستىرىپ كەلگەن. سوندىقتان دا اتالعان ۇشاقتى قولدانۋ پاكىستان ءۇشىن قيىنعا سوقپايدى. J-10C ۇشاقتارىنان كەيىن پاكىستان اۋە كۇشتەرىنىڭ قۋاتى ارتا تۇسەتىنى ايتپاسا دا تۇسىنىكتى.

پاكىستان مەن قىتايدىڭ وداقتاستىعى ءۇندىستان فاكتورىمەن دامىدى دەۋگە بولادى. ۇندىستانمەن ورتاق قايشىلىقتار يسلاماباد پەن بەيجىڭنىڭ اراسىن جاقىنداتا ءتۇستى. ەكى ەل اراسىنداعى وداقتاستىق نازاراۋ اۋدارتپاي قويمايدى.

“The Qazaq Times”