پاكىستاننىڭ بۇرىنعى پرەمەر-ءمينيسترى يمران حاننىڭ كورتەجىنە  ەلدىڭ شىعىستاعى ۆازيراباد قالاسىندا نارازىلىق شەرۋى كەزىندە شابۋىل جاسالىپ حان وق جاراقاتىن الدى.

70 جاستاعى حان ەل استانىسى يسلامابادقا مەرزىمىنەن بۇرىن سايلاۋ وتكىزۋدى تالاپ ەتكەن نارازىلىقتى باسقارعان.

جامباسىنان وق تيگەن يمران حاندى لاحورداعى اۋرۋحاناعا جەتكىزگەن.

پوليتسيا بۇرىنعى پرەمەر-ءمينيستردى ولتىرمەك بولعان دەپ تۇتقىنداعان ادامنىڭ ۆيدەوسىن جاريالاعان.

ۆيدەودا بەلگىسىز ەر ادام "ول ادامداردى اداستىردى. ونى ولتىرگىم كەلدى..." دەيدى. الايدا حاننىڭ كومەكشىسى رافۋ حاسان ۇكىمەتتىڭ جاريالاعان بەينەجازباداعى مويىنداۋدى "بۇركەمەلەۋ" دەپ باعالاپ شابۋىلعا پاكىستان ۇكىمەتىنىڭ تىكەلەي قاتىسى بار ەكەنىن ايتتى.