J-10C joyğış wşağı. Foto: Defence World

Ündistan aqparat qwraldarınıñ mälimetine qarağanda, Päkistan Qıtaydıñ J-10 joyğış wşaqtarın satıp aluda. Biraq, bwl habardı resmi Beyjiñ men Islamabad rastay qoymadı. Eger mälimet rastalğan bolsa, onda qıtaylıq isterbitel'derdiñ alğaş ret eksportqa şıqqanın bildiredi.

Ündiniñ Defence World basılımı taratqan mälimetke qarağanda Päkistan Qıtaydıñ J-10S joyğış wşaqtarınan 36 danasın satıp alğan. Atalğan ündilik basılım habarında «Päkistan strategiyalıq jäne halıqaralıq qatınastar institutına» (HSIA) silteme jasağan.

Qıtaydıñ FuJiyan äskeri öndirisiniñ öinimi sanalatın J-10S joyğış wşaqtarı köptegen aspektiler boyınşa älemdegi ozıq soğıs wşaqtarınıñ bestigine kiredi. Key elderdiñ äskeri sarapşıları onı üşinşi wrpaq isterbitel'derdiñ qatarına jatqızadı.  J-10C wşaqtarı jetildirilgen belsendi fazalıq massivtik äue-radiolokaciyalıq jüyesimen jabdıqtalğan, köbine 200 şaqırımdıq PL-15 zımırandarı ornatıladı.

FuJiyan äskeri öndirisi J-10S wşaqtarınıñ jetildirigen J-20 jaña wrpağın da öndirgen. Degenmen, bwl äli de sınaq kezeñin tolıq ayaqtap ülgirmedi. Sonıñ özinde Qıtay äue küşter keybir äskeri operaciyalarğa qoldanıp jür.

Qıtay men Päkistan odaqtas elder retinde ataladı. Qıtaydıñ qaru-jaraq eksportında Päkistan mañızdı orındı wstaydı. Bwğan deyin de qıtaylıq isterbitel'der Päkistanğa eksporttalğan. Eki el arasında birneşe ret birlesken äue jattığuları ötkizilgen, bwl jattığularğa Qıtay tarabı köbine köp J-10C wşaqtarın qatıstırıp kelgen. Sondıqtan da atalğan wşaqtı qoldanu Päkistan üşin qiınğa soqpaydı. J-10C wşaqtarınan keyin Päkistan äue küşteriniñ quatı arta tüsetini aytpasa da tüsinikti.

Päkistan men Qıtaydıñ odaqtastığı Ündistan faktorımen damıdı deuge boladı. Ündistanmen ortaq qayşılıqtar Islamabad pen Beyjiñniñ arasın jaqındata tüsti. Eki el arasındağı odaqtastıq nazarau audartpay qoymaydı.

“The Qazaq Times”