فوتو: https://static.ukrinform.com

فرانتسيا ۇكىمەتى جاپپاي وقشاۋلاۋ رەجيمىن جىلدىڭ اياعىنا دەيىن ۇزارتپاق. ال ۇلتتىق اسسامبلەيا دەپاتتارىنىڭ كوبى شەكتەۋلەردىڭ كۇشىن ماۋسىمنىڭ بىرىنە دەيىن قالدىرۋعا داۋىس بەردى.

پاندەميانىڭ الدىن الۋ ماقساتىندا قولدانىلاتىن شارالار بويىنشا شەشىمدى سەنات شىعارادى. توتەنشە جاعداي ءتارتىبى پرەزيدەنت پەن ۇكىمەتكە ەشكىممەن اقىلداسپاي لوكداۋن نەمەسە كومەندانتتىق ساعات سەكىلدى سانيتارلىق شەكتەۋلەردى ەنگىزۋگە مۇمكىندىك بەرىپ وتىر. دەپۋتاتتار ىندەتپەن كۇرەس بويىنشا مەملەكەتتىك ستراتەگيانى سىنعا الدى. ولادىڭ ايتۋىنشا، مەيرامحانالار نەمەسە تاۋ-شاڭعى شيپاجايلارىن جابۋ سەكىلدى ماڭىزدى شەشىمدەردى بىرلەسىپ قابىلداۋ كەرەك.

قازىر مۇندا دەت جۇقتىرعاندارىڭ جالپى سانى 3 ميلليونعا جۋىقتاپ، 71 مىڭنان استام ادام اجال قۇشقان. وسى اپتادان باستاپ ەلدە 700 ۆاكتسينالاۋ ورتالىعى جۇمىس ىستەيدى. 75 جاستان اسقان قارتتارمەن قاتار سوزىلمالى اۋرۋى بار ازاماتتار دا ەگىلەدى. قاڭتاردا ەلدىڭ 1 ميلليونعا جۋىق تۇرعىنى ۆاكتسينا قابىلداماق. اقپاننىڭ سوڭىنا دەيىن جالپى سانى 2,5 ملن ادمعا ەكپە ەگىلەدى. مامانداردىڭ پىكىرىنشە، ۆاكتسيناتسيا اۋرۋدىڭ پايدا بولۋىن عانا ەمەس، سونىمەن قاتار ۆيرۋستىڭ تارالۋىن دا بولدىرماۋى كەرەك.

ەلدە وڭتۇستىك افريكا رەسپۋبليكاسىندا شىققان كوروناۆيرۋستىڭ جاڭا شتامىنىڭ تەز تارالۋىنا بايلانىستى ەلگە كىرۋ ءتارتىبى وزگەرەدى. ەندى ەۋرووداقتان بولەك ەلدەردىڭ ازاماتتارى وسى رەسپۋبليكاعا بارسا، ءبىر اپتا كارانتينگە جابىلادى.

جاڭا شەكتەۋ شارالارى بويىنا ۇيىمدار مەن كاسىپورىنداردا قاشىقتىقتان جۇمىس ىستەۋ ەرەجەلەرى وزگەرىسسىز قالادى. كينوتەاترلار مەن مۇراجايلار ۋاقىتشا جابىلادى. جاڭا شارا ەرتەڭنەن باستاپ كۇشىنە ەنىپ 15 كۇنگە سوزىلادى. مۇنداي ءتارتىپ وسى ۋاقىتقا دەيىن ۆيرۋس ەڭ كوپ تارالعان 25 دەپارتامەنتتە قولدانىلىپ، ونداعى دەرتتى جۇقتىرۋ دەرەگى ءبىرشاما باسەڭدەگەن بولاتىن.

فرانتسيادا شەكتەۋلەردىڭ قاتاڭداتۋدىڭ بىردەن-ءبىر سەبەبى – «بريتاندىق» جانە «وڭتۇستىك افريكالىق كوروناۆيرۋس» شتامداردىڭ پايدا بولۋى. كۇن سايىن ۆيرۋستىڭ بريتاندىق نۇسقاسى 300-گە جۋىق ادامنان انىقتالىپ جاتىر. وسىعان بايلانىستى 16 قاڭتاردان باستاپ رەسپۋبليكا اۋماعىندا كەم دەگەندە 15 كۇنگە كونمەنداتتىق ساعات ەنگىزىلدى.

"The Qazaq Times"