فرانتسيادا جىل سايىن ۇيىمداستىرىلاتىن «مۋزىكالىق فەستيۆال» سوڭى جەرگىلىكتى تۇرعىندار مەن پوليتسيانىڭ قاقتىعىسىنا ۇلاستى.
بيلىكتىڭ بۇيرىعىنا سايكەس كوروناۆيرۋستىڭ تارالۋىنا بايلانىستى 10-نان استام ادامنىڭ ءبىر ورىنعا جينالۋىنا تىيىم سالىنعان. بۇل تالاپ ۇكىمەت قارجىلاندىرعان بىرقاتار كونتسەرتتەرگە قولدانىلعان جوق. بۇل فەستيۆالدە كورەرمەندەر ماسكا تاعىپ، شوۋدى قاشىقتىقتا تاماشالاۋى كەرەك بولاتىن. بىراق كونتسەرتكە جينالعاندار پاريجدە كارانتين تالاپتارىن ورەسكەل بۇزعان. سول سەبەپتى پوليتسيا كورەرمەندەرگە ەسكەرتۋ جاساعان. جيىننىڭ سوڭى ءىرى قاقتىعىسپەن اياقتالدى.
17 ماۋسىمنان باستاپ فرانتسيا بيلىگى كوشەدە ماسكالارىن تاعۋ رەجيمىن الىپ تاستادى. بۇل تالاپ تەك ۇيىرمەلەر مەن ادامدار كوپ جينالاتىن ورىندار ءۇشىن ساقتالدى. 20 ماۋسىمنان كوممەندانتتىق ساعات باستالدى.
دۇيسەنبىدە فرانتسيا پرەزيدەنتى ەممانۋەل ماكرون شوۋ، كونتسەرتتەردى وتكىزۋگە 9 شىلدەدەن باستاپ رۇقسات بەرۋ تۋرالى شەشىم شىعارعان.
سوڭعى مالىمەتتەرگە سايكەس، فرانتسيادا ەپيدەميا باستالعالى 5,7 ميلليوننان استام كەيس تىركەلىپ، 110 مىڭنان استام ادام قايتىس بولعان. سوڭعى اپتادا 1,2 مىڭ ادام اۋرۋحاناعا جاتقىزىلدى. بۇل – مامىردىڭ ورتاسىنداعى دەرەكتەن بىرنەشە ەسە از.
دەنساۋلىق ساقتاۋ ورگاندارىنىڭ مالىمەتتەرى بويىنشا 32 ميلليوننان استام حالىق وسى ۋاقىتقا دەيىن ۆاكتسينانىڭ ءبىرىنشى دوزاسىن قابىلداعان. 15 ماۋسىمدا فرانتسيادا 12 جاستان ۇلكەن جاسوسپىرىمدەرگە ۆاكتسيناتسيا باستالدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟