The Guardian باسىلىمىنىڭ حابارلاۋىنشا، ەۋرووداق پەن ۇلىبريتانيا 4 جىلدان كەيىن ورتاق مامىلەگە قول جەتكىزدى. ەندى 2021 جىلدىڭ 1 قاڭتارىنان باستاپ بريتانيا تولىق ساياسي جانە ەكونوميكالىق تاۋەلسىز بولادى.
تاراپتاردىڭ كوپتەن بەرى ءبىر كەلىسىمگە كەلە الماۋىنىڭ باستى سەبەبى – ۇلىبريتانيانىڭ ءبىر بولشەگى سانالاتىن سولتۇستىك يرلانديانىڭ كەدەندىك مارتەبەسى بولاتىن. ۇزاق كەلىسسوزدەردەن كەيىن بۇل مەملەكەت ەۋروپالىق كەدەندىك وداقتىڭ قۇرامىندا قالاتىن بولدى.
وسىعان بايلانىستى مالىمدەمە جاساعان پرەمەر-ءمينيسترى بوريس دجونسون: «ءبىز ەندىگارى بار كۇش-جىگەرىمىزدى كوۆيدپەن كۇرەسكە جۇمساۋىمىز كەرەك. باسقا ماسەلەلەرگە الاڭداماي، كەلەر جىلى ەلىمىزدىڭ قايتادان قالپىنا كەلۋىنە مۇمكىندىك بەرۋىمىز قاجەت. جىلىنا 660 ملرد ستەرلينگ فۋنتىن قۇرايتىن بۇرىن-سوڭدى بولماعان ەڭ ءىرى ساۋدا كەلىسىمىنە قول جەتكىزگەنىمىزدى ايتقىم كەلەدى»، – دەيدى.
جاڭا كەلىسىم روجدەستۆو مەرەكەسى قارساڭىندا جانە Brexit-ءتىڭ وتپەلى كەزەڭىنىڭ اياقتالۋىنا ءبىر اپتا قالعاندا جاسالىپ وتىر. ول 2000 بەتتەن تۇرادى جانە ازاماتتىق يادرولىق ىنتىماقتاستىق پەن ەنەرگەتيكالىق ءوزارا بايلانىستان باستاپ، بالىق شارۋاشىلىعى مەن اۆياتسيا ماسەلەلەرىنە دەيىن قامتيدى.
2019 جىلى ۇلىبريتانيا مەن ەو ساۋدا كولەمى شامامەن $900 ملرد. بولعان. نەگىزىنەن بريۋسسەل مەن لوندون اراسىنداعى ديپلوماتيالىق قارىم-قاتىناستار تۋرالى كەلىسسوزدەر 15-16 قازاندا ەو سامميتىندە بەكىتىلۋى كەرەك ەدى. الايدا، بريۋسسەل مەن لوندون كەزەكتى مارتە ورتاق كەلىسىمگە كەلە المادى. ەۋروپالىق كەڭەستىڭ باسشىسى چارلز ميشەلدىڭ ايتۋىنشا، سامميتتە ۇلىبريتانيامەن سەرىكتەستىك تۋرالى كەلىسىمگە نۇكتە قويىلۋى ءتيىس. سونىمەن قاتار، ول قوعامداستىقتىڭ كەيبىر ەلدەرى «كەلىسىمسىز» ستسەناريگە دايىن بولۋى كەرەكتىگىن ەسكەرتتى.
ۇلىبريتانيا 2020 جىلى 1 اقپانعا قاراعان ءتۇنى ەۋروپالىق وداق قۇرامىنان شىقتى. بريۋسسەل مەن لوندون وسى جىلدىڭ سوڭىنا دەيىنگى وتپەلى كەزەڭ تۋرالى ۋاعدالاسقان. ونىڭ بارىسىندا بىرىككەن كورولدىككە بىرىڭعاي ەۋروپالىق نارىق قاعيدالارى بويىنشا ساۋدانى جۇزەگە اسىرۋدى قوسا العاندا، بارلىق ەۋروپالىق نورمالار قولدانىلادى. بريتان ۇكىمەتى ەو-مەن بولاشاق بايلانىستاردىڭ فورماتى تۋرالى ۋاعدالاسىپ، ەركىن ساۋدا تۋرالى كەلىسىم جاساسۋى ءتيىس.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى