Foto: Theguardian

The Guardian basılımınıñ habarlauınşa, Euroodaq pen Wlıbritaniya 4 jıldan keyin ortaq mämilege qol jetkizdi. Endi 2021 jıldıñ 1 qañtarınan bastap Britaniya tolıq sayasi jäne ekonomikalıq täuelsiz boladı.

Taraptardıñ köpten beri bir kelisimge kele almauınıñ bastı sebebi – Wlıbritaniyanıñ bir bölşegi sanalatın Soltüstik Irlandiyanıñ kedendik märtebesi bolatın. Wzaq kelissözderden keyin bwl memleket europalıq kedendik odaqtıñ qwramında qalatın boldı.

Osığan baylanıstı mälimdeme jasağan prem'er-ministri Boris Djonson: «Biz endigäri bar küş-jigerimizdi kovidpen küreske jwmsauımız kerek. Basqa mäselelerge alañdamay, keler jılı elimizdiñ qaytadan qalpına keluine mümkindik beruimiz qajet. Jılına 660 mlrd sterling funtın qwraytın bwrın-soñdı bolmağan eñ iri sauda kelisimine qol jetkizgenimizdi aytqım keledi», – deydi.

Jaña kelisim Rojdestvo merekesi qarsañında jäne Brexit-tiñ ötpeli kezeñiniñ ayaqtaluına bir apta qalğanda jasalıp otır. Ol 2000 betten twradı jäne azamattıq yadrolıq ıntımaqtastıq pen energetikalıq özara baylanıstan bastap, balıq şaruaşılığı men aviaciya mäselelerine deyin qamtidı.

2019 jılı Wlıbritaniya men EO sauda kölemi şamamen $900 mlrd. bolğan. Negizinen Bryussel' men London arasındağı diplomatiyalıq qarım-qatınastar turalı kelissözder 15-16 qazanda EO sammitinde bekitilui kerek edi. Alayda, Bryussel' men London kezekti märte ortaq kelisimge kele almadı. Europalıq Keñestiñ basşısı Çarl'z Mişel'diñ aytuınşa, sammitte Wlıbritaniyamen seriktestik turalı kelisimge nükte qoyıluı tiis. Sonımen qatar, ol qoğamdastıqtıñ keybir elderi «kelisimsiz» scenariyge dayın boluı kerektigin eskertti.

Wlıbritaniya 2020 jılı 1 aqpanğa qarağan tüni Europalıq odaq qwramınan şıqtı. Bryussel' men London osı jıldıñ soñına deyingi ötpeli kezeñ turalı uağdalasqan. Onıñ barısında Birikken Korol'dikke birıñğay europalıq narıq qağidaları boyınşa saudanı jüzege asırudı qosa alğanda, barlıq europalıq normalar qoldanıladı. Britan ükimeti EO-men bolaşaq baylanıstardıñ formatı turalı uağdalasıp, erkin sauda turalı kelisim jasasuı tiis.

"The Qazaq Times"