ۇلىبريتانيا ورتاق قوعامداستىقتان شىعۋ ءۇشىن ەۋروپالىق وداققا شامامەن 47,5 ميلليارد ەۋرو تولەۋى كەرەك. بۇل تۋرالى وداقتىڭ 2020 جىلعا ارنالعان بيۋدجەتى تۋرالى الدىن الا ەسەبىندە كورسەتىلگەن.

ۇلىبريتانيانىڭ وداقتان شىعۋى تۋرالى شارتىنىڭ 140 جانە 143-باپتارىن يمپلەمەنتاتسيالاۋ كەزىندە ماسەلە تۋىنداعان. قۇجاتتا لوندون 2020 جىلعى 31 جەلتوقسانداعى جاعداي بويىنشا تۇپكىلىكتى ناتيجەگە جەتكىزىلمەگەن بىرلەسكەن جوبالار مەن باعدارلامالاردى ىسكە اسىرۋ ءۇشىن ۇلىبريتانيانىڭ قوعامداستىق بيۋدجەتىنەن بولىنگەن قاراجاتتىڭ ءبىر بولىگىن ەۋرووداققا قايتارۋعا مىندەتتەلەتىنى جازىلعان. سونىمەن قاتار بىرىككەن كورولدىك قول قويىلعان كەلىسىمدە وداق شەنەۋنىكتەرىنە ساقتاندىرۋ جانە زەينەتاقى تولەمدەرى بويىنشا مىندەتتەمە الدى. اتالعان سومانى قاراشادا ەۋروپالىق ەسەپ پالاتاسى بەكىتۋى كەرەك.

ۇلىبريتانيا بىرنەشە جىلعا سوزىلعان كەلىسسوزدەردەن كەيىن 2020 جىلدىڭ 1 اقپانىندا ەۋرووداقتان شىقتى. Brexit تۋرالى شارتقا سايكەس تولەمدەر بىرنەشە ونجىلدىققا بولىنەدى. دەمەك، لوندون بريۋسسەلگە كەلەسى جىلعا دەيىن 6,8 ملرد ەۋرو كولەمىندەگى ءبىرىنشى ترانشتى تولەۋگە مىندەتتى.

"The Qazaq Times"