كورنەكى سۋرەت. https://express-k.kz

World Economic Forum جاھاندىق باسەكەگە قابىلەتتىلىك يندەكسىن جاريالادى. قازاقستان 141 مەملەكەتتىڭ ىشىندە 55-ءشى ورىندا.

دۇنيەجۇزىلىك ەكونوميكالىق فورۋم جىل سايىنعى باياندامانى جاساۋ بارىسىندا ماكروەكونوميكالىق تۇراقتىلىق، ينفراقۇرىلىم، ەڭبەك نارىعى مەن يننوۆاتسيالىق مۇمكىندىكتەردى نەگىزگە الادى. بيىلعى يندەكس ناتيجەسىندە سينگاپۋر اقش-تى باسىپ وزىپ، ءبىرىنشى ورىنعا شىققان. ۇيىم مۇشەلەرى ۇسىنعان باياندامادا: «بيىل سينگاپۋر الەمدەگى ەڭ ۇلكەن ەكونوميكانى ەكىنشى ورىنعا ىسىردى. ازياداعى قالا مەملەكەت ينفراقۇرىلىم، دەنساۋلىق ساقتاۋ، ەڭبەك نارىعى جانە قارجى جۇيەسى كريتەريلەرى بويىنشا ءبىرىنشى ورىنعا شىقتى»، – دەلىنگەن. CNN مالىمەتى بويىنشا، سينگاپۋردىڭ العا شىعۋىنا اقش پەن قىتاي ساۋدا سوعىسى اسەر ەتكەن. مۇنان بولەك، ۇزدىك وندىق قاتارىندا گونكونگ، نيدەرلاندى، شۆەيتساريا، جاپونيا، گەرمانيا، شۆەتسيا، ۇلىبريتانيا جانە دانيا بار.

دامۋشى مەملەكەتتەر قاتارىنداعى قازاقستان بيىل 55-ءشى ورىنعا تۇراقتاعان. رەيتينگ قۇراستىرۋشىلاردىڭ سوزىنشە، قازاقستاندا بيزنەستى جۇرگىزۋدەگى نەگىزگى پروبلەمالار قارجىلاندىرۋ، سىبايلاس جەمقورلىق، جۇمىسشى كۇشىنىڭ بولماۋى، ينفلياتسيا، سالىقتىق نورمالار، ءتيىمسىز مەملەكەتتىك بيۋروكراتيا سالدارىنان تۋىندايدى. قازاقستاننىڭ اتالعان يندەكستەگى ناتيجەسى 2015-2016 جىلدارى قازىرگىدەن وڭ ناتيجە كورسەتكەن. ول كەزدە قازاقستان 140 ەلدىڭ ىشىندە 42 ورىندا بولعان.

جاھاندىق باسەكەگە قابىلەتتى 10 ەل. فوتو: https://assets.weforum

"The Qazaq Times"