World Economic Forum jahandıq bäsekege qabilettilik indeksin jariyaladı. Qazaqstan 141 memlekettiñ işinde 55-şi orında.

Düniejüzilik ekonomikalıq forum jıl sayınğı bayandamanı jasau barısında makroekonomikalıq twraqtılıq, infraqwrılım, eñbek narığı men innovaciyalıq mümkindikterdi negizge aladı. Biılğı indeks nätijesinde Singapur AQŞ-tı basıp ozıp, birinşi orınğa şıqqan. Wyım müşeleri wsınğan bayandamada: «Biıl Singapur älemdegi eñ ülken ekonomikanı ekinşi orınğa ısırdı. Aziyadağı qala memleket infraqwrılım, densaulıq saqtau, eñbek narığı jäne qarjı jüyesi kriteriyleri boyınşa birinşi orınğa şıqtı», – delingen. CNN mälimeti boyınşa, Singapurdiñ alğa şığuına AQŞ pen Qıtay sauda soğısı äser etken. Mwnan bölek, üzdik ondıq qatarında Gonkong, Niderlandı, Şveycariya, Japoniya, Germaniya, Şveciya, Wlıbritaniya jäne Daniya bar.

Damuşı memleketter qatarındağı Qazaqstan biıl 55-şi orınğa twraqtağan. Reyting qwrastıruşılardıñ sözinşe, Qazaqstanda biznesti jürgizudegi negizgi problemalar qarjılandıru, sıbaylas jemqorlıq, jwmısşı küşiniñ bolmauı, inflyaciya, salıqtıq normalar, tiimsiz memlekettik byurokratiya saldarınan tuındaydı. Qazaqstannıñ atalğan indekstegi nätijesi 2015-2016 jıldarı qazirgiden oñ nätije körsetken. Ol kezde Qazaqstan 140 eldiñ işinde 42 orında bolğan.

Jahandıq bäsekege qabiletti 10 el. Foto: https://assets.weforum

"The Qazaq Times"