نۇر-سۇلتاندا ءوتىپ جاتقان قازاقستان – ماجارستان بيزنەس فورۋمىندا ەكى ەل اراسىندا بىرنەشە كەلىسىمدەرگە قول قويىلدى. بۇل تۋرالى قر ۇلتتىق ەكونوميكا ءمينيسترى رۋسلان دالەنوۆ حابارلادى.
فورۋمدا ءداستۇرلى جانە بالامالى ەنەرگەتيكا، اتوم ونەركاسىبى جانە عىلىم، قورعانىس-ونەركاسىبى كەشەنى، اۆياتسيا، اۋىل شارۋاشىلىعى، قازاقستاندىق ەكولوگيالىق تازا ءونىمدى ەكسپورتتاۋ سالالارى قاراستىرىلدى. ر.دالەنوۆ: «قازاقستان مەن ماجارستان گەوگرافيا جاعىنان ءبىر-بىرىنەن الىس ورنالاسقان. سوعان قاراماستان قازاقستان تمد ەلدەرى ىشىندە ماجارستاننىڭ 4-ءشى ءىرى ارىپتەسى بولىپ سانالادى. ءبىزدىڭ ساۋدا-ەكونوميكالىق جانە ينۆەستيتسيالىق سالادا الەۋەتىمىز زور. وسى الەۋەتىمىزدى بارىنشا پايدالانۋىمىز قاجەت. ماسەلەن، بىلتىر ەكى ەلدىڭ تاۋار اينالىمى 139 ميلليون اقش دوللارىن قۇرادى. اتالعان كورسەتكىشتى ءالى دە ارتتىرۋعا بولادى»، – دەدى.
وتكەن اپتادا قازاقستان پرەزيدەنتى قاسىم-جومارت توقاەپەن كەزدەسۋ بارىسىندا ۆەنگريا پرەمەر-ءمينيسترى ۆيكتور وربان : «ءبىز قازاقستاندى ەلەۋلى ەكونوميكالىق ناتيجەلەرگە قول جەتكىزىپ جاتقان ەل دەپ سانايمىز. ەكىجاقتى قارىم-قاتىناس ورناتقانىمىزعا وتە قۋانىشتىمىز. ۆەنگريا الداعى ۋاقىتتا دا قازاقستانعا اشىق بولىپ، ەكونوميكالىق ىنتىماقتاستىق مۇمكىندىكتەرىن ىزدەۋدى جالعاستىرادى»، – دەپ مالىمدەگەن بولاتىن.
قازىرگى ۋاقىتتا قازاقستاندا ماجارستان كاپيتالى سالىنعان 40-تان استام كاسىپورىن جۇمىس ىستەيدى. اتالعان كومپانيادار قۇرىلىس، اۋىل شارۋاشىلىعى جانە وندىرىستىك سالالاردا قىزمەت ەتەدى.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن