Vengriya prem'er-ministri Viktor Orban. Foto: https://blogspot.com

Nwr-Swltanda ötip jatqan Qazaqstan – Majarstan biznes forumında eki el arasında birneşe kelisimderge qol qoyıldı. Bwl turalı QR Wlttıq ekonomika ministri Ruslan Dälenov habarladı.

Forumda dästürli jäne balamalı energetika, atom önerkäsibi jäne ğılım, qorğanıs-önerkäsibi keşeni, aviaciya, auıl şaruaşılığı, qazaqstandıq ekologiyalıq taza önimdi eksporttau salaları qarastırıldı. R.Dälenov: «Qazaqstan men Majarstan geografiya jağınan bir-birinen alıs ornalasqan. Soğan qaramastan Qazaqstan TMD elderi işinde Majarstannıñ 4-şi iri äriptesi bolıp sanaladı. Bizdiñ sauda-ekonomikalıq jäne investiciyalıq salada äleuetimiz zor. Osı äleuetimizdi barınşa paydalanuımız qajet. Mäselen, bıltır eki eldiñ tauar aynalımı 139 million AQŞ dolların qwradı. Atalğan körsetkişti äli de arttıruğa boladı», – dedi.

Ötken aptada Qazaqstan prezidenti Qasım-Jomart Toqaepen kezdesu barısında Vengriya prem'er-ministri Viktor Orban : «Biz Qazaqstandı eleuli ekonomikalıq nätijelerge qol jetkizip jatqan el dep sanaymız. Ekijaqtı qarım-qatınas ornatqanımızğa öte quanıştımız. Vengriya aldağı uaqıtta da Qazaqstanğa aşıq bolıp, ekonomikalıq ıntımaqtastıq mümkindikterin izdeudi jalğastıradı», – dep mälimdegen bolatın.

Qazirgi uaqıtta Qazaqstanda Majarstan kapitalı salınğan 40-tan astam käsiporın jwmıs isteydi. Atalğan kompaniyadar qwrılıs, auıl şaruaşılığı jäne öndiristik salalarda qızmet etedi.

"The Qazaq Times"