قازاقستان ۆەنگريامەن بايلانىسىن نىعايتپاق

قازاقستان مەن ۆەنگريا ينۆەستيتسيالىق ىنتىماقتاستىقتى نىعايتپاق. بۇل تۋرالى قر پرەمەر-ءمينيسترى اسقار ءماميننىڭ ۆەنگريا پرەمەر-ءمينيسترى ۆيكتور وربانمەن كەزدەسۋىندە ءمالىم بولدى

كەزدەسۋ بارىسىندا ۇكىمەت باسشىلارى ەكونوميكالىق جانە ساۋدا كەلىسىمىن تالقىلاپ، الداعى ۋاقىتتاعى جوسپارلاردى تالقىلادى. سونىمەن قاتار، ءداستۇرلى جانە بالامالى ەنەرگەتيكا، اتوم ونەركاسىبى جانە عىلىم، قورعانىس-ونەركاسىبى كەشەنى، اۆياتسيا، اۋىل شارۋاشىلىعى، قازاقستاندىق ەكولوگيالىق تازا ءونىمدى ەكسپورتتاۋ سالالارىنداعى ءوزارا ءتيىمدى ىنتىماقتاستىقتى تەرەڭدەتۋ پەرسپەكتيۆالارى قارالدى

اسقار مامين قازاقستان مەن ۆەنگريا اراسىنداعى سەنىمدى قارىم-قاتىناستار ەكونوميكالىق ءوزارا ءىس-قيمىلدى دامىتۋعا قولايلى جاعداي جاسايتىنىن اتاپ ءوتتى. ءوز سوزىندە ۆيكتور وربان: «ءبىز قازاقستاندى ەلەۋلى ەكونوميكالىق ناتيجەلەرگە قول جەتكىزىپ جاتقان ەل دەپ سانايمىز. ەكىجاقتى قارىم-قاتىناس ورناتقانىمىزعا وتە قۋانىشتىمىز. ۆەنگريا الداعى ۋاقىتتا دا قازاقستانعا اشىق بولىپ، ەكونوميكالىق ىنتىماقتاستىق مۇمكىندىكتەرىن ىزدەۋدى جالعاستىرادى»،– دەپ مالىمدەدى.

ايتا كەتەيىك، 29 ساۋىردە نۇر-سۇلتاندا 100 ماجار كاسىپكەرىنىڭ قاتىسۋىمەن قازاقستان – ۆەنگريا ستراتەگيالىق كەڭەسىنىڭ وتىرىسى وتەدى. شارادا ساۋدا كولەمىن ۇلعايتۋ جانە ينۆەستيتسيالىق ىنتىماقتاستىقتى ودان ءارى دامىتۋ ماسەلەلەرى تالقىلانادى.

"The Qazaq Times"