جەەنبەكوۆ ينۆەستورلارمەن. فوتو: EADaily.

قىرعىزستاندا شەتەلدىك ينۆەستورلار ازايۋدا.  بۇل تاقىرىپتا قىرعىز اقپارات قۇرالدارى جارىسا تالقىلاۋدا. 2018 جىلدىڭ قورىتىندىسى بويىنشا قىرعىزستان 31,5 پايىز ينۆەستيتسياسىنان ايىرىلىپ قالعان.

قىرعىز قوعامىنداعى ءار سالا بۇل ماسەلەنى ءار ءتۇرلى باعالايدى. ايتالىق، ينۆەستيتسيا ماسەلەسى بويىنشا ارنايى ۇكىمەتتىك قۇزىرلى ورىن بۇل ماسەلەنى الەمدىك تەندەنتسيامەن تۇسىندىرەدى. قىرعىزستاننىڭ ينۆەستيتسيانى دامىتۋ جانە قورعاۋ اگەنتتىگىنىڭ مالىمەتىندە، 2015 جىلدان بەرى الەمدە ينۆەستيتسيانىڭ كولەمى جىل سايىن ازايىپ كەلەدى.

قىرعىزستانعا ينۆەستيتسيا سالاتىنداردىڭ باسىم كوبى تاۋ-كەن سالاسىن كوزدەيدى. بىراق، تاۋ-كەن ءوندىرىسى اشىلعان ايماقتاردا جەرگىلىكتى تۇرعىندار مەن ينۆەستورلار اراسىندا داۋ-داماي ءجيى تۋىلۋدا. جەرگىلىكتى تۇرعىنداردىڭ نارازىلىعىنان كەيىن بىلتىر قىرعىزستاندا ءۇش ءىرى كەن ءوندىرىسىنىڭ جۇمىسى توقتاپ قالدى. بۇل ەلدەگى تاۋ-كەن سالاسىنداعى ينۆەستيتسياسىن بىردەن قۇلدىراتتى. جىلدىق ەسەپ بەرۋدە ەل پرەزيدەنتى بۇل ماسەلەنى باسا اتاپ وتكەن بولاتىن.

دەگەنمەن، قىرعىزستاننىڭ كەيبىر ساراپشىلارى ۇكىمەتتىڭ ينۆەستيتسيا تارتۋداعى جاساپ جاتقان شارالارى جەتكىلىكسىز دەپ قارايدى. بۇعان دەيىنگى ۇكىمەتتەرىنە سالىستىرعاندا كورشىلەس جانە الىس شەتەلدەرمەن جەتەرلىك دارەجەدە ديالوگ ورناتا الماي كەلەدى دەپ سانايدى.

قىرعىزستاندا بىلتىرعى جىلى قىتاي ينۆەستيتسياسى 45 پايىزعا، كانادا ينۆەستيتسياسى 24,7 پايىزعا ازايعان. بىراق، رەسەي مەن تۇركيا بۇل تۇستا ءوز ينۆەستيتسياسىن ەسەلەپ ارتتىرعان.

“The Qazaq Times”