ەلىنە جەتكەن قىرعىزستاندىق مۋزكانت ۆيكرام رۋزاحۋنوۆ جۋرناليستەردىڭ سۇراقتارىنا جاۋاپ بەرىپ، ۆيدەو مالىمدەمەدە ايتقاندارىنىڭ ءبارى جالعان ەكەنىن جەتكىزدى. بۇل تۋرالى قىرعىزستانداعى اقپارات قۇرالدارى مەن قىرعىز الەۋمەتتىك جەلى قولدانۋشىلارى جارىسا جازىپ جاتىر. ول سوزىندە ەلىنە امان-ەسەن قايتۋ ءۇشىن وسىنداي ىسكە بارعانىن مالىمدەگەن.
رۋزاحۋنوۆتىڭ ايتۋىنشا، ول 2 قاڭتاردا دوسىنىڭ شاقىرۋىمەن الماتىعا ىسكەرلىك ماقساتتا كەلگەن، الماتىدا ميتينگ باستالعان 4 قاڭتاردا وعان دوسى حابارلاسىپ ۇيدەن شىقپاي وتىرۋىن ەسكەرتكەن، ول جالعا العان پاتەردە وتىرىپ المتىداعى ميتينگكە كۋا بولعان. BBC قىرعىز قىزمەتى حابارىندا رۋزاحۋن: «4-, 5-, 6 قاڭتار كۇندەرى ۇيدەن شىقپاي وتىردىم. بىراق، جاعداي قيىنداي ءتۇستى، دۇكەندەر ىستەمەي قالدى، سوندىقتان مەن ۇيگە قايتۋعا شەشىم قابىلدادىم»، – دەيدى ي.رۋزاحۋنوۆ سوزىندە.
مۋزكانتتىڭ ايتىسىنا قاراعاندا 7 قاڭتاردا سايران اۆتوۆوكزالىنان تاكسيگە وتىرىپ قىرعىزستانعا بەت العان. سامسى اۋىلىندا ونى اسكەريلەر ۇستاپ، ۋاقىتشا قاماۋ ورنىنا وتىرعىزعان. وندا وعان دۇرىس مامىلە جاسالعان، ىستىق شاي، تاماق بەرىلگەن. جاعداي تۇراقتانعانعا دەيىن ول سول ارادا 4 كۇن بولعانىن ايتادى.
ول ۋاقىتشا قاماۋ ورنىندا وزىمەن بىرگە قامالعانداردان مىناداي سوزدەردى ەستيدى: «ساعان اقشا ۇسىنعان...، الماتىعا ميتينگ ءۇشىن كەلدىم دەسەڭ بىردەن قىرعىزستانعا جىبەرەدى...» دەگەن سەكىلدى.
«بۇل ءبىر جول ەدى. بىراق، مەن ونداي ىستەمەگەن بولسام دا، سولاي دەپ ايتايىن دەپ شەشتىم. بۇل ۇيگە ەرتەرەك جەتۋدىڭ وڭاي جولدارىنىڭ ءبىرى دەپ ويلادىم، سوندىقتان، سونى قولدانىپ كورەيىن دەپ شەشتىم»، – دەيدى قىرعىزستاندىق مۋزكانت.
بۇدان كەيىن رۋزاحۋنوۆ: «ۆيدەودا ايتقاندارىم جالعان. [بەت-اۋىزىمنىڭ كوگەرگەنى] 7 قاڭتار الماتىدان بىشكەككە قايتىپ كەلە جاتقاندا شەكارا قىزمەتىنىڭ كۇش قولدانۋىمەن ۇستاۋىندا بولدىم. ءبىزدىڭ كامەرادا 4 قىرعىزستاندىق بولدى... بارلىعىن ۇستاپ جاتتى، ولاردىڭ اراسىندا تاجىكستاندىقتار دا، وزبەكستاندىقتار دا، ءتىپتى قازاقستاندىقتاردىڭ وزدەرى دە بولدى»، – دەيدى جۋرناليستەرگە بەرگەن جاۋابىندا.
«قانداي قاعازدارعا قول قويعان بولسام، ءوز اۋزىممەن قازىر سىزدەرگە ايتىپ جاتىرمىن»، – دەگەن قىرعىزستاندىق ازامات: «ەشقانداي قۇپيا، كوممەرتسيالىق قۇپيا دەگەن جوق، ماعان ونداي ۇسىنعان جوق»، – دەيدى.
«شىنىن ايتسام، مەن مالىمدەمە جاساپ جاتقاندا، ونداعى ارنايى سوزدەر شىندىق بولماسا دا، مەن ونداي ءىس جاساعان جوقپىن. بىراق سونى ايتىپ جاتىپ، ءبارى جاقسى بولادى دەپ ويلادىم. ۇيتكەنى مەنى تانىعانداردىڭ ءبارى مەنىڭ نەمەن اينالىساتىنىمدى، كىم ەكەنىمدى بىلەدى، مالىمدەمەنىڭ جالعان ەكەنىن دە بىلەدى»، – دەيدى رۋزاحۋنوۆ.
بۇعان دەيىن قازاقستانداعى رەسمي تەلەارنالار تاراتقان ۆيدەولاردىڭ بىرىندە ۆيكرام رۋزاحۋنوۆتىڭ «الماتىعا ميتينگ ءۇشىن كەلدىم» دەگەن ماعىناداعى مالىمدەمە جاساعان ەدى. بۇل «قازاقستانداعى دۇربەلەڭگە قاتىسقان شەتەلدىك كۇشتەر بار دەگەن» رەسمي بيلىك مالىمدەمەسى كەزىندە تاراعان بولاتىن. قىرعىزستان تاراپتىڭ جەدەل قايتارعان نارازىلىعىنان كەيىن قازاقستاننىڭ قۇزىرلى ورگاندارى ۆيەودا سويلەپ تۇرعان «ۆيكرام رۋزاحۋنوۆ ەمەس زاكير ۋبۋروۆ» دەپ مالىمەگەن.
رۋزاحۋنوۆ ءىسى قازاقستان مەن قىرعىزستان ورتاسىندا كوپ تالقىعا مۇرىندىق بولعانى راس. ونىڭ قىرعىزستانعا بارعاننان كەيىن جاساعان مالىمدەمەسى ەلىمىزدەگى كەيبىر وقيعالارعا قاتىستى كۇدىكتى كۇشەيتتى.
دەگەنمەن، رۋزاحۋنوۆ بىشكەكتەگى «ماڭىگىلىك الاۋ» الدىندا سويلەپ تۇرىپ: «بۇل قازاق پەن قىرعىزدىڭ دوستىعىنىڭ سيمۆولى بولىپ قالسىن»، – دەگەن پىكىرىن ايتتى. بۇعان قاراعاندا ول ءوزىنىڭ قانداي شىنتىقتى جايىپ سالعانىن دا بىلمەيتىنگە ۇقسايدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
جاۋاعاشتى تۇرمەسى ايگەرىمدى تاعايىندالعان ەمگە جىبەرمەي جاتىر