وليمپيادا – الەم نازارىن بىردەن وزىنە تارتاتىن ءدۇبىرلى دودا. ەل نامىسىن نارداي كوتەرىپ كەلەتىن سپورتشىلار اق تەر، كوك تەر بولىپ، بارىن سالاتىنى انىق. جالپى جازعى-قىسقى سپورتتىڭ كوپتەگەن تۇرلەرى بار. وليمپيادانىڭ وزىندىك جۇيەسى مەن ءتارتىبى بولادى. سوعان بايلانىستى كەيبىر سپورت تۇرلەرى مۇلدەم پروگراممادان الىنىپ تاستالعان. وليمپيادادا ءبىر-اق رەت وينالعان سايىستار دا بار ەكەن. وعان سەبەپ: سپورتتىڭ تانىمال ەمەستىگى نەمەسە اتالمىش سپورت تۇرىنە سۇرانىستىڭ جوقتىعى. اfigenchik سونداي «قاتاردان شىعىپ قالعان» سپورت تۇرلەرىن انىقتادى. كورىڭىزدەر.
ارقان تارتىس
فوتو: اfigenchik
نەگىزىندە، بۇل – قازاقتىڭ ۇلتتىق ويىندارىنىڭ ءبىرى. مەكتەپ وقۋشىلارىنان باستاپ ەرەسەكتەرگە دەيىن قىزىعىپ وينايتىن سپورت ءتۇرى. ال 1900 جىل مەن 1920 جىلدار ارالىعىندا وليمپيادا ويىندارىنىڭ قاتارىندا بولعان ەكەن. وسى كەزەڭدە بولعان 5 وليمپيادادا اتالمىش «ارقان تارتىستىڭ» كوپ مەدالى بريتاندىقتاردىڭ ەنشىسىنە كەتكەن. قازىرگى كۇنى تەك جازعى لاگەرلەر مەن سىرا فەستيۆالىندە ءوتىپ تۇرادى.
شاڭعىمەن مانەرلەپ سىرعاناۋ
فوتو: afigenchik
باسقاشا ايتقاندا، «اكروباتيكالىق شاڭعى» 1960-2000 جىلدار ارالىعىندا تانىمال بولدى. ال 1988-1992 جىلدار اراسىندا جازڭى وليمپيادا ويىندارىنىڭ پروگرامماسىندا بولدى.
كەدەرگىلەرگە ءجۇزۋ
فوتو: afigenchik
بۇل سپورت ءتۇرى 1900 جىلى ءبىر-اق رەت وليمپيادادا وينالدى. ويىن شارتى بويىنشا، 12 سپورتشى قاتىستى جانە ولار 200 مەتر قاشىقتىقتى بەلگىلى ءبىر 3 كەدەرگىنى باعىندىرىپ ءجۇزىپ ءوتۋى ءتيىس.
بەندي
فوتو: afigenchik
شايبىمەن ەمەس، دوپپەن وينالاتىن حوككەي ءتۇرى 1952 جىلى وسلو قالاسىنداعى وليمپيادا ويىندارىنا ەنگىزىلگەن. ءبىر-اق رەت. سول سەزدە سايىسقا ءۇشى كوماندا – نورۆەگيا، فينليانديا مەن شۆەتسيا قاتىستى.
شاڭعىمەن جىلدامدىققا سىرعاناۋ
فوتو: afigenchik
بۇل سپورت ءتۇرى – 1992 جىلى وليمپيادا پروگرامماسىنا ەنگىزىلگەن ەڭ قاۋىپتى ويىنداردىڭ ءبىرى بولدى. جىلدامدىق رەكوردى 255 كم/ساع. «شاڭعىمەن جىلدامدىققا سىرعاناۋ» سپورتىن، جاتتىعۋ جاساپ جاتقان ءبىر سپورتشىنىڭ ولىمىنەن كەيىن، رەسمي تۇردە تىيىم سالىندى.
سكيدجورينگ
فوتو: afigenchik
بۇل ويىنداردا يتتەر، جىلقىلار نەمەسە اۆتوكولىكتىڭ كومەگىمەن، بەلگىلى ءبىر ارقانمەن مىقتاپ ۇستاپ الىپ، سپورتشىلار شاڭعىمەن ارتىنان ىلەسەدى. سكيدجورينگ ويىنى ءالى دە اۋەسقويلار اراسىندا ءالى دە وتكىزىلىپ تۇرادى ەكەن.
«The Qazaq Times»
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى