قازاقستاندىق تەلەارنالار توكيو وليمپياداسىنان كورسەتەتىن بولدى. بۇل تۋرالى وليمپيادا ويىندارانىڭ اشىلۋ سالتاناتىنا ءبىر ساعاتتاي ۋاقىت قالعاندا «قازاقستان» رترك» اق ءباسپاسوز قىزمەتى حابارلادى.

اقپاراتقا قاراعاندا، قازاقستان تارابى وليمپيادا ويىندارىنىڭ ترانسلياتسياسىنا قاتىستى جاپونيالىق «Dentsu Inc» كومپانياسىمەن كەلىسىمگە كەلگەن. بىراق ترانسلياتسيا قۇنى قانشا ەكەنى ايتىلمادى.

«قازاقستان» تەلەراديوكورپوراتسياسى مەن «حابار» اگەنتتىگى» اق ەل اۋماعىندا توكيو وليمپياداسىن جانە 2022 جىلعى پەكيندە وتەتىن قىسقى وليمپيادا ويىندارىن كورسەتۋ قۇقىعىن يەلەندى. كەلىسىمشارت قورىتىندىسى بويىنشا ترانسلياتسيا قۇنىن قولايلى باعادا ساتىپ الۋ تۋرالى ورتاق مامىلەگە قول جەتكىزلىدى. قازاقستاندىقتار 23 شىلدە مەن 8 تامىز ارالىعىندا توكيودا وتەتىن جازعى وليمپيادا ويىندارىن «Qazaqstan»، «Qazsport» جانە «حابار» تەلەارنالارىنان تىكەلەي ەفيردە كورە الادى» دەلىنگەن حابارلامادا.

بۇعان دەيىن قازاقستان بيلىگى "وليمپيادا ويىندارىن تىكەلەي ەفيردە تاراتۋ قۇقىعىنا يە كومپانيامەن كەلىسسوز جۇرگىزىپ جاتىرمىز، قۇقىق يەسى ترانسلياتسيا ليتسەنزياسىنىڭ قۇنىن قىمباتتاتىپ جىبەرگەن، كەلىسسوز جالعاسىپ جاتىر" دەپ مالىمدەگەن.

وليپيادانىڭ اشىلۋ سالتاناتى، 23 شىلدە استانا ۋاقىتىمەن ساعات 17.00-دە باستالادى. سالتاناتتى ءراسىم توكيو ۇلتتىق ستاديونىندا وتەدى. شاراعا الەمنىڭ 205 ەلىنىڭ سپورتشىسى قاتىسادى.

توكيودا كوروناۆيرۋسقا بايلانىستى توتەنشە جاعداي جاريالانعاندىقتان اشىلۋ راسىمىندە كورەرمەندەر بولمايدى. 68 مىڭ ورىندىق ستاديوندا نەبارى مىڭعا جۋىق ادام بولادى. شاراعا الەمنىڭ 15 ەلىنىڭ باسشىسى قاتىسادى.

وليمپيادا ويىندارى 23 شىلدە – 9 تامىزدا وتەدى. بۇل جارىسقا قازاقستان 97 جولداما العان.

"The Qazaq Times"