اقىرزامان الداعى مىڭجىلدىقتا بولادى

ۇلىبريتانياداعى وكسفورت  ۋنيۆەرسيتەتىنىڭ فيلوسوفيا فاكۋلتەتىنە قاراستى ينستيتۋتتىڭ زەرتتەۋشىلەرى عىلىمي بايانداما جاسادى. وندا عالىمدار توبى  ادامزاتتىڭ جويىلۋىنا سەبەپكەر بولۋى  مۇمكىن دەگەن  وقيعالاردى  اتاپ ءوتتى. بۇل تۋرالى  The Daily Mail اگەنتتىگى حابارلايدى.

مامانداردىڭ بولجاۋىنشا، ادامزاتتىڭ جانە جالپى جەردەگى تىرشىلىكتىڭ جويىلۋىنا سەبەپكەر بولاتىن  ىندەت (پاندەميا), كليماتتىق وزگەرىستەر جانە  يادرولىق سوعىس. بايانداما اۆتورلارى الەم ەلدەرىنىڭ ۇكىمەتتەرى جەر شارىن اتالمىش قاۋىپ-قاتەردەن الىستاتۋ ءۇشىن قاجەتتى شارالاردى جۇزەگە اسىرماي جاقاندىعىن ايتقان.

وسىدان ءبىر جىل بۇرىن، الەمگە تانىمال فيزيك – ستيۆەن حوكينگ اقىرزاماننىڭ وسى مىڭجىلدىقتا بولاتىنىن جانە وعان تەحنوگەندى اپاتتاردىڭ سەبەپكەر بولاتىنىن جەتكىزگەن بولاتىن. ول دا ءوز تاراپىنان ءۇش پۋنكتىگە ءبولىپ قاراستىرعان: يادرولىق سوعىس, جاساندى ينتەللەكت جانە گەندىك-ينجەنەرلىك ۆيرۋس. ستيۆەننىڭ ايتۋىنشا، قازىر ادامدار عارىشتىق ساياحاتقا اسا ۇلكەن قىزىعۋشىلىق  تانىتۋى كەرەك. سەبەبى، ادامزاتتىڭ جويىلىپ كەتۋىنە توقتاۋ بولاتىن ءبىر نارسە بولسا، ول – وسى عالامشاردان كەتۋ.

سوندىقتان دا،  زەرتتەۋشىلەر مەن ساراپشىلار  بيلىكتىڭ قۇجاتتا كورسەتىلگەن، اتالعان قاۋىپتىڭ الدىن-الۋ شارالارىنا  اسا ۇلكەن ءمان بەرىپ، ارەكەت ەتۋگە شاقىرادى.

«The Qazaq Times»