الەمدە Covid-19 ۆيرۋسىنا شالدىققاندار سانى 20 ميلليون ادامعا جەتتى. قازىرگە دەيىن ىندەتتەن كوز جۇمعاندار سانى 700 مىڭنان استى. اقش، برازيليا، ءۇندىستان، رەسەي جانە وڭتۇستىك افريكا ەلدەرى ىندەتتەن ەڭ كوپ زارداپ شەككەن ەلدەر قاتارىندا.

جاھاندىق ىندەتتىڭ جاي-كۇيىن باقىلاپ وتىرعان جون كوپكينس ۋنيۆەرسيتەتى كەيبىر ەل ۇكىمەتتەرىنىڭ ىندەتتەن كوز جۇمعاندار سانىن تومەندەتىپ كورسەتىپ جاتقانىن انىقتادى. ايتالىق، برازيليادا ىندەتتەن كوز جۇمعانداردىڭ ناقتى سانى ۇكىمەت جاعىنان جاسىرىلعان.

الەم ەلدەرىندە ىندەتتىڭ تارالۋىنا قارسى شەكتەۋ شارالارى دۇنيەجۇزىلىك ەكونوميكانى تۇرالاتۋدا. دۇنيەجۇزىلىك ۆاليۋتا قورى قازىرگى ەكونوميكالىق جاعدايدى 1930 جىلدارداعى "ۇلى دەپرەسسيادان" كەيىنگى ەڭ ءىرى داعدارىس دەپ اتادى.

ددۇ جەتەكشىسى تەدروس گەبرەيەسۋس جەنەۆادان جولداعان سوڭعى مالىمەتىندە، الەم جۇرتشىلىعىنا ساقتىق شارالارىن كۇشەيتۋدى تاعى ءبىر مارتە ەسكەرتتى. ددۇ تارابى بۇل ىندەتكە قارسى ءونىمدى ۆاكتسينانىڭ ءالى جاسالا قويماعانىن، الايدا، ءونىمدى پرەپاراتتىڭ ءتۇبى جاسالىپ شىعاتىنىن العا تارتۋدا.

دەگەنمەن، ددۇ ۆاكتسينانىڭ جەتەرلىك دەڭگەيدە شىعۋى، ءادىل ءبولىسىلىپ، زارداپ شەككەن حالىققا تولىق جەتۋىنەن الاڭدايدى. بۇل شىنىندا اسا ماڭىزدى ماسەلە. ادەتتە، ددۇ باعدارلاماسىندا دارىلەر مەن ۆاكتسينانى قارجىلاندىرۋعا 10 پايىز قاراجات بولەدى. ال، قازىر اۋقاتتى مەملەكەتتەر ءوز ۆاكتسينالارىن سىناقتان وتكىزىپ، ونى جەتەرلىك دەڭگەيدە قامداپ الۋعا تىرىسۋدا. ددۇ تارابى بۇل "ۆاكتسينا ۇلتشىلدىعىنا" اپارىپ سوعۋى مۇمكىن دەپ بولجايدى.

"The Qazaq Times"