Foto: NASA Flight Center

Wlıbritaniyadağı Oksfort  universitetiniñ filosofiya fakul'tetine qarastı Instituttıñ zertteuşileri ğılımi bayandama jasadı. Onda ğalımdar tobı  adamzattıñ joyıluına sebepker boluı  mümkin degen  oqiğalardı  atap ötti. Bwl turalı  The Daily Mail agenttigi habarlaydı.

Mamandardıñ boljauınşa, adamzattıñ jäne jalpı Jerdegi tirşiliktiñ joyıluına sebepker bolatın  indet (pandemiya), klimattıq özgerister jäne  yadrolıq soğıs. Bayandama avtorları älem elderiniñ ükimetteri Jer şarın atalmış qauip-qaterden alıstatu üşin qajetti şaralardı jüzege asırmay jaqandığın aytqan.

Osıdan bir jıl bwrın, älemge tanımal fizik – Stiven Hoking aqırzamannıñ osı mıñjıldıqta bolatının jäne oğan tehnogendi apattardıñ sebepker bolatının jetkizgen bolatın. Ol da öz tarapınan üş punktige bölip qarastırğan: yadrolıq soğıs, jasandı intellekt jäne gendik-injenerlik virus. Stivenniñ aytuınşa, qazir adamdar ğarıştıq sayahatqa asa ülken qızığuşılıq  tanıtuı kerek. Sebebi, adamzattıñ joyılıp ketuine toqtau bolatın bir närse bolsa, ol – osı ğalamşardan ketu.

Sondıqtan da,  zertteuşiler men sarapşılar  biliktiñ qwjatta körsetilgen, atalğan qauiptiñ aldın-alu şaralarına  asa ülken män berip, äreket etuge şaqıradı.

«The Qazaq Times»