"ۇلكەن جەتىلىك" (G7) رەسەيگە ەسكەرتۋ جاساپ، ارقانداي حيميالىق، بيولوگيالىق نەمەسە يادرولىق شابۋىلعا قاتاڭ قارسى تۇراتىندارىن ءبىلدىردى. سوڭعى كۇندەرى الەم ەلدەرى، اسىرەسە ەۋروپا رەسەي-ۋكراينا سوعىسىندا جاپپاي قىرىپ-جويۋشى قارۋلاردىڭ قولدانىلۋىنان الاڭداي باستادى. 

"ۇلكەن جەتىلىك" قۇرامىنداعى اقش، گەرمانيا، بريتانيا، كانادا، فرانتسيا، يتاليا جانە جاپونيا قاتارلى ەلدەردىڭ ءسىم باسشىلارى ەۋروپا وداعى مەن ناتو-نىڭ جوعارى وكىلدەرىمەن كەزدەسۋدەن كەيىن اتالعان مالىمدەمەسىن جاسادى. سونداي-اق، بىرلەسكەن مالىمدەمەدە بۋچاداعى بەيبىت حالىقتىڭ قىرعىنعا ۇشىراۋى بويىنشا رەسەيدى ايتىپتادى.

ەۋروپا ەلدەرى ۋكراينادا بولىپ جاتقان سوعىستا حيميالىق، بيولوگيالىق جانە يادرولىق قارۋ قاۋپىنەن الاڭداۋلى. جاقىندا ەۋروپالىق كوميسسيا حيميالىق، يادرولىق، بيلوگيالىق شابۋىلدارعا قارسى ارنايى قور قۇردى. قور اياسىندا ۋكرايناعا قاجەتتى كومەكتەردى دە جىبەرە باستادى.

The Qazaq Times