![](https://qazaqtimes.com/kk/content/uploads/2017/02/1485948519_360258-800x480.jpg?token=6912fb7af9319950efb4ad69761d2928)
عالىمدار اي مەن جەردىڭ شامامەن قيىلىسۋ ۋاقىتىن انىقتادى. ول پروتسەستى ءبىزدىڭ پلانەتامىزدىڭ ءوز وسىنەن اينالۋى باسەڭدەگەننەن كەيىن بولادى دەپ بولجاپ وتىر. بۇل تۋرالى dni.ru حابارلايدى.
اقش-تاعى ايداحو ۋنيۆەرسيتەتىنىڭ پلانەتولوگى دجەيسون بارنس جەر عالامشارى ايمەن 65 ميلليارد جىلدان كەيىن سوقتىعىسۋى مۇمكىن دەگەندى العا تارتادى. الايدا، بۇل سوقتىعىسۋ جەر-اي بايلامىن ول ۋاقىتقا دەيىن كۇن جۇتىپ قويماسا عانا جۇزەگە اسادى.
ساراپشىلاردىڭ ايتۋىنشا، اي مەن جەردىڭ سوقتىعىسۋىنا جەردىڭ ءوز وسىنەن اينالۋىن توقتاتۋى سەبەپ بولادى. وعان بايلانىستى ءارتۇرلى بولجامدار ايتىلدى. ماسەلەن، جوعارىدا دجەيسوننىڭ 65 ملرد جىل دەگەنىن اتاپ وتسەك، كەيبىر ساراپشىلار ونىڭ ەڭ كەمى 50 ميلليارد جىلدا جۇزەگە اساتىندىعىن جەتكىزىپ وتىر.
ول ۋاقىتقا قاراي ايدىڭ ءوز وسىنەن اينالۋى 47 تاۋلىككە تەڭ بولادى. سالىستىرمالى تۇردە كەلتىرەتىن بولساق، جەردىڭ ءوزىنە ءوز وسىنەن تولىق اينالىم جاساۋى ءۇشىن 27 تاۋلىك قاجەت. سونىمەن قاتار، قازىرگى ۋاقىتتا ايدىڭ جەر بەتىنەن جويىلۋى شامامەن جىلىنا 4 سانتيمەتر (سم/جىل) جىلدامدىقپەن جۇزەگە اسادى. ال 6 ميلليار جىلدان كەيىن كۇن قىپ-قىزىل گيگانتقا اينالىپ، مەركۋري مەن ۆەنارانى جويىپ جىبەرۋى مۇمكىن. الايدا ساراپشىلاردىڭ ويىنشا، ول ۋاقىتقا دەيىن ءبىزدىڭ عالامشارىمىز كۇن رادياتسياسىنىڭ سالدارىنان جويىلىپ كەتپەك.
«The Qazaq Times»