فوتو: ۆۆس

پاكىستاننىڭ پۋنجاب قالاسىندا تۇراتىن 10 جاستاعى زيمال ۋمەر قوقىستان جيناعان زاتتارىنان قولسومكەلەر دايىندايدى. قازىردىڭ وزىندە ونىڭ شاعىن كاسىبى ونلاين دۇكەن ارقىلى عالامتوردا ساتىلىپ، پاكىستان، ساۋد ارابياسى جانە اقش-تا وتكەن بايقاۋلاردىڭ جەڭىمپازى بولىپ ۇلگەرگەن. ۆۆس ءتىلشىسى جاس كاسىپكەرمەن ارنايى كەزدەسىپ، ونىڭ ەكولوگيالىق تازا كاسىبى تۋرالى كەڭىنەن اڭگىمەلەيدى. 

پاكىستان جىل سايىن 20 ملن توننا قوقىس شىعارادى. قايتا وڭدەۋدەن وتكىزىلمەيتىن كوپ كولەمدى قوقىس قورشاعان ورتاعا وراسان زور زاردابىن تيگىزەدى. وسى ماسەلەنى شەشۋگە از دا بولسىن ۇلەس قوسۋدى ماقسات تۇتقان زيمال ۋمەر قوقىستان جينالعان شيكىزاتىن اكەسىنىڭ اقشاسىنا ارنايى قۇرىلعىدا جۋعىزىپ، تازارتىپ، youtube جەلىسىندەگى بەينەروليكتەرگە قاراپ، سومكە جاساۋدى ۇيرەنگەن.

قازىر كاسىبىنىڭ تۇراقتى تابىسى مەن تۇتىنۋشىلار اۋديتورياسى قالىپتاسىپ ۇلگەرگەن 10 جاستاعى مەكتەپ وقۋشىسى كىرىسىنىڭ ءبىر بولىگىن بالالار ۇيىنە اۋدارادى. پاكىستاندا قىز بالالارعا جەكە جۇمىس ىستەۋگە كوپتەگەن كەدەرگىلەر بار، سوعان قاراماستان كىشكەنتاي كاسىپكەر قازىرشە ۇلكەن قيىندىقتارعا تاپ بولماعانىن ايتادى.

جەرگىلىكتى پاكىستاندىق باق وكىلدەرى زيمال ۋمەردى "الەۋمەتتىك كاسىپكەر" دەپ اتايدى. ول ءوز ەلىندە باستالعان شاعىن كاسىبىن الەمدىك دەڭگەيگە كوتەرۋدى، بولاشاقتا كاسىپكەر ايەل بولۋدى ارماندايدى. "مەن بولاشاق ۇرپاقتىڭ تازا ءارى قاۋىپسىز الەمدە ءومىر سۇرگەندەرىن قالايمىن. بۇل ماقساتتىڭ جۇزەگە اسۋى ءۇشىن مەن قولىمنان كەلگەننىڭ بارلىعىن جاسايمىن. باسقالاردىڭ دا وزىندىك ۇلەستەرىن قوسقانىن قالار ەدىم", - دەيدى ول.

“The Qazaq Times”