Foto: VVS

Päkistannıñ Punjab qalasında twratın 10 jastağı Zimal' Umer qoqıstan jinağan zattarınan qolsömkeler dayındaydı. Qazirdiñ özinde onıñ şağın käsibi onlayn düken arqılı ğalamtorda satılıp, Päkistan, Saud Arabiyası jäne AQŞ-ta ötken bayqaulardıñ jeñimpazı bolıp ülgergen. VVS tilşisi jas käsipkermen arnayı kezdesip, onıñ ekologiyalıq taza käsibi turalı keñinen äñgimeleydi. 

Päkistan jıl sayın 20 mln tonna qoqıs şığaradı. Qayta öñdeuden ötkizilmeytin köp kölemdi qoqıs qorşağan ortağa orasan zor zardabın tigizedi. Osı mäseleni şeşuge az da bolsın üles qosudı maqsat twtqan Zimal' Umer qoqıstan jinalğan şikizatın äkesiniñ aqşasına arnayı qwrılğıda juğızıp, tazartıp, youtube jelisindegi beynerolikterge qarap, sömke jasaudı üyrengen.

Qazir käsibiniñ twraqtı tabısı men twtınuşılar auditoriyası qalıptasıp ülgergen 10 jastağı mektep oquşısı kirisiniñ bir böligin balalar üyine audaradı. Päkistanda qız balalarğa jeke jwmıs isteuge köptegen kedergiler bar, soğan qaramastan kişkentay käsipker qazirşe ülken qiındıqtarğa tap bolmağanın aytadı.

Jergilikti päkistandıq BAQ ökilderi Zimal' Umerdi "Äleumettik käsipker" dep ataydı. Ol öz elinde bastalğan şağın käsibin älemdik deñgeyge köterudi, bolaşaqta käsipker äyel boludı armandaydı. "Men bolaşaq wrpaqtıñ taza äri qauipsiz älemde ömir sürgenderin qalaymın. Bwl maqsattıñ jüzege asuı üşin men qolımnan kelgenniñ barlığın jasaymın. Basqalardıñ da özindik ülesterin qosqanın qalar edim", - deydi ol.

“The Qazaq Times”