فوتو: Kapital.kz

2017 جىلدىڭ 1 توقسانىندا الەم قارىزىنىڭ جالپى كولەمى 217 ترلن دوللارعا دەيىن جەتتى. ءبىر جىل ىشىندە 600 ملرد دوللارعا دەيىن ۇلعايدى. حالىقارالىق قارجى ينستيتۋتىنىڭ شولۋىنا سايكەس (Institute of International Finance, IIF), الەمدىك جالپى ىشكى ءونىمنىڭ 327%-ىنا تەڭ جانە رەكوردتىق كورسەتكىش، دەپ حابارلايدى ۆەدوموستي.

قارىزداردىڭ قۇرامىنا ۇكىمەتتىڭ، بانكتەردىڭ، كورپوراتسيالاردىڭ، شارۋا قوجالىقتارىنىڭ العان قارجىسى كىرەدى. ساراپشىلاردىڭ ايتۋىنشا، قارىز دەڭگەيى ءارتۇرلى: مىسالى كەيبىر ەلدەردە ونىڭ كولەمى ارتىپ جاتسە ەندى بىرىندە كەرىسىنشە، كەمىپ وتىر.

قارىز دەڭگەيى بويىنشا رەكوردتىق كورستەكىشكە يە بولىپ تۇرعان اقش پەن قىتاي. ەكى ەلدىڭ جالپى قارىزى 2 ترلن دوللارعا دەيىن ارتقان. قىتايدىڭ قارىزى 32,7 ترلن دوللاردى قۇراسا، اقش-تا 63 ترلن دوللار. ربك سايتىنىڭ جازۋىنشا، امەريكا قارىزىنىڭ ۇلعايۋىنا قاراماستان، ەلدىڭ ەكونوميكالىق ءوسىمى ودان جوعارى بولعان.

ال قىتاي قارىزىنىڭ ۇلعايۋىنا شارۋا قوجالىقتارى اسەر ەتكەن. 2017 جىلدىڭ 1 توقسانىندا شارۋا قوجالىقتار قارىزىنىڭ ءجىو-گە اراقاتىناسى 45%-دى قۇرادى جانە بۇل ەڭ جوعارعى كورسەتكىش.

سونداي-اق، دامۋشى ەلدەردىڭ جالپى قارىزى 3 ترلن دوللارعا كوبەيىپ، 56 ترلن دوللاردان استى جانە ءجىو-ءنىڭ 218%-ىن قۇرادى. سونىمەن ءجىو-گە قاتىستى قارىز كولەمى قىتايدا، چيليدە، كولۋمبيادا، جانە تۇركيادا ۇلعايعان. ال تايلاند، برازيليا، رەسەي جانە ۆەنگريادا تومەندەگەن.

“The Qazaq Times”