Foto: Kapital.kz

2017 jıldıñ 1 toqsanında älem qarızınıñ jalpı kölemi 217 trln dollarğa deyin jetti. Bir jıl işinde 600 mlrd dollarğa deyin wlğaydı. Halıqaralıq qarjı institutınıñ şoluına säykes (Institute of International Finance, IIF), älemdik jalpı işki önimniñ 327%-ına teñ jäne rekordtıq körsetkiş, dep habarlaydı Vedomosti.

Qarızdardıñ qwramına ükimettiñ, bankterdiñ, korporaciyalardıñ, şarua qojalıqtarınıñ alğan qarjısı kiredi. Sarapşılardıñ aytuınşa, qarız deñgeyi ärtürli: mısalı keybir elderde onıñ kölemi artıp jatse endi birinde kerisinşe, kemip otır.

Qarız deñgeyi boyınşa rekordtıq körstekişke ie bolıp twrğan AQŞ pen Qıtay. Eki eldiñ jalpı qarızı 2 trln dollarğa deyin artqan. Qıtaydıñ qarızı 32,7 trln dollardı qwrasa, AQŞ-ta 63 trln dollar. RBK saytınıñ jazuınşa, amerika qarızınıñ wlğayuına qaramastan, eldiñ ekonomikalıq ösimi odan joğarı bolğan.

Al Qıtay qarızınıñ wlğayuına şarua qojalıqtarı äser etken. 2017 jıldıñ 1 toqsanında şarua qojalıqtar qarızınıñ JİÖ-ge araqatınası 45%-dı qwradı jäne bwl eñ joğarğı körsetkiş.

Sonday-aq, damuşı elderdiñ jalpı qarızı 3 trln dollarğa köbeyip, 56 trln dollardan astı jäne JİÖ-niñ 218%-ın qwradı. Sonımen JİÖ-ge qatıstı qarız kölemi Qıtayda, Çilide, Kolumbiyada, jäne Türkiyada wlğayğan. Al Tailand, Braziliya, Resey jäne Vengriyada tömendegen.

“The Qazaq Times”