قازاقستان قىتايدان العان نەسيەنى قايتارۋ مەرزىمىن تاعى 2 جىلعا ۇزارتتى. "سامرۇق-قازىنا" ءال-اۋقات قورى تاراتقان مالىمەت بويىنشا، ءبىزدىڭ ەل قاشاعان كەن ورنىن بايىتۋ ءۇشىن قىتايدان العان بەرەشەگىن 2022 جىلى تولىق وتەپ ءبىتۋى ءتيىس.

ەلباسى نۇرسۇلتان نازارباەۆتىڭ قىتايعا جاساعان ءىسساپارىنان كەيىن، "سامرۇق-قازىنا" ءال-اۋقات قورىنىڭ توراعاسى احمەتجان ەسىموۆ پەن قىتايدىڭ ساۋدا-ءوندىرىس بانكىنىڭ باسشىسى اراسىندا كەلىسسوز جۇرگىزىلگەن ەكەن. جيىندا قاشاعان كەن ورنىن دامىتۋعا الىنعان نەسيەنىڭ پايىزدىق مولشەرلەمەسىن ازايتۋ جانە قارىزدى قايتارۋ مەرىمىن ۇزارتۋ ماسەلەسى ءسوز بولىپتى.

ءبىزدىڭ ەل 2015 جىلى قاشاعاننىڭ قۇرىلىسىنا قىتاي بانكىنەن 1,5 ملرد دوللار نەسيە العان ەكەن. ونى 5 جىلدا وتەپ بەرۋگە كەلىسكەن. الايدا قوماقتى قاراجاتتى تولەۋ كەزىندە قيىندىقتار تۋىپ، قازاقستان تارابى نەسيە مەرزىمىن ۇزارتۋعا ءماجبۇر بولىپ وتىر.

“The Qazaq Times”