قارتايعان حالىق قاۋىپ ءتوندىرۋى مۇمكىن

ەندى ون جىلدان كەيىن حالىقتىڭ قارتايۋى تەك ەۋروپا عانا ەمەس، ازيا ءۇشىن دە ۇلكەن پروبلەماعا اينالۋى مۇمكىن. بۇل تۋرالى حالىقارالىق ۆاليۋتا قورىنىڭ ايماقتارعا ارنالعان ەكونوميكالىق شولۋىنادا ايتىلعان. سالىستىرمالى تۇردە جان باسىنا شاققانداعى تابىستىڭ تومەن بولۋى جانە دەموگرافيالىق پروتسەستىڭ جىلدامداۋى ازيالىقتاردىڭ ماقساتىنا جەتپەي جاتىپ قارتايۋ قاۋىپىن ءتوندىرىپ وتىر.

ازياداعى، اسىرەسە شىعىس ازيا ەلدەرىندەگى ەكونوميكالىق ءوسىم «دەموگرافيالىق ديۆيدەندتەرگە» نەگىزدەلگەن دەۋگە بولادى. سەبەبى بۇل ەلدەردە ۇيدە وتىرعانداردان گورى جۇمىس ىستەيتىندەر سانى كوپ. تيىسىنشە، تۋ كورسەتكىشىنىڭ ازايۋى (كوبىنە جاپونيا حالقى) سالدارىنان 2050 جىلعا قاراي حالىق اراسىندا قارتايعاندار سانى كوپ بولۋى مۇمكىن. حۆق-نىڭ بولجامىنا سەنسەك، شيرەك عاسىردا الەمدەگى 65 جاستان اسقان قارت ادامداردىڭ ۇلەسى 2,5 ەسەگە، ونىڭ ىشىندە ازيالىقتاردىڭ سانى 3 ەسەگە جوعارى بولادى. ياعني مۇندا اقش پەن ەۋروپاعا قاراعاندا دەموگرافيالىق پروتسەسس الدەقايدا جىلدام داميدى دەگەن ءسوز.

حۆق الدا بولاتىن وسىنداي وزگەرىستەرگە بايلانىستى ازيا ەلدەرىندەگى ماكروەكونوميكالىق ساياساتتى  رەتتەۋدى ۇسىنىپ وتىر. ول ءۇشىن زەينەتاقى جانە ەڭبەك زاڭدارى رەفورمالانىپ، ۇلتتىق قارىزعا قاتىستى جاعدايلار رەتكە كەلۋ كەرەك.

“The Qazaq Times”