Endi on jıldan keyin halıqtıñ qartayuı tek Europa ğana emes, Aziya üşin de ülken problemağa aynaluı mümkin. Bwl turalı Halıqaralıq valyuta qorınıñ aymaqtarğa arnalğan ekonomikalıq şoluınada aytılğan. Salıstırmalı türde jan basına şaqqandağı tabıstıñ tömen boluı jäne demografiyalıq procestiñ jıldamdauı aziyalıqtardıñ maqsatına jetpey jatıp qartayu qauipin töndirip otır.

Aziyadağı, äsirese Şığıs Aziya elderindegi ekonomikalıq ösim «demografiyalıq dividendterge» negizdelgen deuge boladı. Sebebi bwl elderde üyde otırğandardan göri jwmıs isteytinder sanı köp. Tiisinşe, tuu körsetkişiniñ azayuı (köbine Japoniya halqı) saldarınan 2050 jılğa qaray halıq arasında qartayğandar sanı köp boluı mümkin. HVQ-nıñ boljamına sensek, şirek ğasırda älemdegi 65 jastan asqan qart adamdardıñ ülesi 2,5 esege, onıñ işinde aziyalıqtardıñ sanı 3 esege joğarı boladı. YAğni mwnda AQŞ pen Europağa qarağanda demografiyalıq process äldeqayda jıldam damidı degen söz.

HVQ alda bolatın osınday özgeristerge baylanıstı Aziya elderindegi makroekonomikalıq sayasattı  retteudi wsınıp otır. Ol üşin zeynetaqı jäne eñbek zañdarı reformalanıp, wlttıq qarızğa qatıstı jağdaylar retke kelu kerek.

“The Qazaq Times”