Palatağa kirip bara jatqan däriger. Balalar qalalıq klinikalıq jwqpalı aurular auruhanasınıñ modul'di filialı. 21 qırküyek 2021 jıl. Almatı qalası. Foto: QT / Kültegin Aspanwlı

Qazaqstanda koronavirus pen oğan wqsas pnevmoniyağa şaldıqqandar sanı tağı 2,9 mıñğa artıp, jalpı esebi 944,5 mıñnan astı. Keyingi üş aptanıñ özinde 80,5 mıñ adam auırıp, 1,7 mıñnan asa adam köz jwmğan.

Törtinşi tolqın ekpindey bastağan şilde ayınıñ ortasına qaray täuliktik sırqattar sanı 5 mıñnıñ, tamızğa qaray 7 mıñnıñ üstine şıqqan, indet qarqını küzdiñ basında 5 mıñnan 3 mıñ keyske mañayladı. Densaulıq saqtau ministrliginiñ resmi mälimetinşe, elde 22 qırküyekte koronavirus (KVI+) jwqqan 2693 adam, al 21-i küni  koronavirus pnevmoniyasına (KVI-) şaldıqqan 247 adam tirkeldi jäne seysenbide 62 qazaqstandıq aurudan qaytıs boldı. Qazir elde 66 mıñ adam (KVI+ boyınşa 57 mıñ, KVI- boyınşa 8 mıñ) auırıp jatır.

#COVID Ötken küni PTR testi arqılı koronavirus jwqqanı rastalğan nauqastar qatarı tağı arttı. Olardıñ basım böligi nemese 20%-ı ädettegidey joğarı dinamikada twrğan bir ğana Almatı (549) qalasına tiesili. Al Qarağandı (431), Almatı (256), ŞQO (135), Aqtöbe (133), Şımkent (125), BQO (99), Mañğıstau (38) oblıstarında edäuir artsa, Aqmola (143) öñirinde säl kemigen. Özge Pavlodar (192), astana (191), Qostanay (105), SQO (79), Atırau (69), Qızılorda (56), Jambıl (55), Türkistan (37) oblıstarında sırqattar şamalı köbeygen. Särsenbide aurudan ayıqqan 3905 adam üyine şığarılğan. 21 qırküyekte jiını 53 adam qaytıs bolğan.

#COVID_pnevmoniyası Qırküyektiñ 21-i aqparatı bir täulikke keşigip beriletin koronavirus pnevmoniyasına şaldıqqan 247 nauqas esepke alındı. Vedomstvo dereginşe, bwl küni Almatı oblısı (35), Şımkent (32), ŞQO (30), Qostanay (26), Jambıl (25), Atırau (15), astana (15), Almatıda (15) sırqattar köptep anıqtalğan. Sonımen qosa, 162 adam ayığıp şıqqan, tağı 9 adam köz jwmğan.

#Jalpı  DenMin deregine qarağanda, emdelip jatqan 66 mıñ nauqastıñ 11,5 mıñı auruhanada, 54,5 mıñı ambulatorlıq baqılauda. 962 nauqastıñ jağdayı naşar, ondağı 239 adamnıñ häli öte auır. Bwdan özge 131 sırqat ökpeni jasandı jeldetu apparatımen tınıstap jatır.

Epidkartada «jasıl aymaqtağı» Türkistan, Mañğıstau jäne Jambıl oblıstarınan basqa Şımkent, Atırau, Almatı, Qızılorda, SQO, BQO, ŞQO, Almatı oblıstarı «sarı aymaqqa» ötken. Basqa 7 aymaq twtastay «qızıl aymaqta» twr.

DenMinniñ QT redakciyasına bergen mälimetinşe, 11 naurız ben 12 şilde aralığında PTR testi oñ körsetken 1311 sınama sekvenirlengen (ştamm türin anıqtaytın taldau). Säykesinşe, biıl köktem-jazda genomdıq zertteu nätijesinde eldiñ basım böliginen virustıñ braziliyalıq, britandıq, oñtüstikafrikalıq, ündistandıq jäne nigeriyalıq ştamdarı anıqtalğan.

Biılğı jaz mezgili qazaqstandıqtar üşin qaralı habarğa tolı boldı. Pandemiya bastalğalı 1,5 jıldıñ işinde anıqtalğan barlıq auruşañdıq pen ölim jağdayınıñ jartısı tek ötken jazda, törtinşi tolqında tirkeldi. Üş ayda bas-ayağı 420 mıñ adam auırsa, 6,6 mıñnan asa adam köz jwmdı. Qırküyek ayınıñ üş aptasında 80,5 mıñnan asa nauqas esepke alınğan jäne 1702 adam qaytıs bolğan.

Bıltır 13 naurızdan beri COVID-19 infekciyasın jwqtırğandar qatarı 870 mıñnan, 1 tamızdan bergi koronavirus pnevmoniyası 74 mıñnan asqan. DDSW derekqorı men Wlttıq statistikada Qazaqstanda auırğandar sanı 944 mıñğa jetti. Degenmen Ükimet koronavirus pen onıñ pnevmoniyasın eki bölek esepteydi.

Pandemiya bastalğalı jalpı virus jwqqandardan 18,8 mıñnan asa adam (KVI+ / U07.1 – 10 913, KVI- / U07.2 – 4769, ilespe aurulardan – 3123) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qazaqstan virus taraluı boyınşa älemde Djons Hopkins universiteti jäne DDSW tizimindegi 221 el men aymaqtıñ arasında 36-orınğa ornıqtı.

Ükimettiñ soñğı deregine qarağanda, Qazaqstanda 6,2 mln adam koronavirusqa qarsı vakcinanı tolıq alğan, al keminde birinşi dozası egilgen jwrttıñ sanı 7,4 mln-nan asadı.

The Qazaq Times