Qıtaydağı eñ iri qarjı ortalığı Şanhaydıñ Pudoñ audanı. Foto; CNN

Qıtay ükimeti elde koronavirus infekciyasınıñ jaña tolqını jıldam tarap jatqanın mälimdedi. Eldegi eñ iri qala Şanhay tolıqtay karantinge jabıldı.

Bügin ğana (28 naurız düysenbi) Şanhay qalalıq äkimşiligi jaña koronavirustıñ jıldam taraluın tez arada auızdıqtau üşin eki fazalı tolıq oqşaulau (karantin) şarası qabıldanğanın mälimdedi.  turalı jariyaladı.

Qabıldanğan şeşimge say, düysenbi-jwma arasında qalanıñ Pudoñ, Punan audandarında tolıq karantin engizilip, twrğındarı PCR testten ötedi. Al, qala batısındağı Puşi audandarı ekinşi satıda, yağni jwma men 5 säuir arasında osı rejimge kirgiziledi.

Karantin talaptarına say qoğamdıq kölikter toqtatıldı, twrğındar twrğın üy aulasınan şığuına, köşede jüruine şekteu qoyıldı, öndiris orındar tolıqtay jabıq rejimde nemese üyde jwmıs isteu rejimine ötedi.

Qıtay Densaulıq saqtau komissiyasınıñ dereginşe, Şanhayda 24 sağat işinde tirkelgen jwğımdaluşılar sanı 3450 adamğa jetip, sol küngi twtas el kölemindegi anıqtalğan nauqastar sanınıñ 67 payızın wstağan.

Şanhayda indettiñ jaña tolqını keşe ğana bolğan jağday emes, soñğı birer apta boyı küresip kele jatır. Eldiñ iri qarjı ortalığı bolğandıqtan qalanı tolıq oqşaulauğa jol bermeuge tırısıp, aymaq köleminde şekteu şarasın wstanıp kelgen. Qazir Şanhaydıñ 14 millionnan astam twrğını test tapsırıp boldı, olardıñ arasında vakcina alğandarı da bar. Al, qala halqınıñ jalpı sanı şamamen 26 millionnan asadı.

The Qazaq Times